第六場三班1650米
上仗因左前腿不良於行而退出的「論文」，復課已見並無不妥，走過仍在冒勇當中，今季兩場得一亞一殿，轉到羅富全馬房後已有明顯進步，退出而唞了個半月再跑，有埋一檔之助，巴度熟悉此駒，以往常與強手對陣，踏入正軌正是贏馬的好時機。上仗國際騎師錦標賽配莫雅而再贏的「獨角獸」，在當晚大利前領的A欄只有這匹可從較後位置追上贏馬，於四班奪 3W 後今次上到三班，面對著一群近況不算銳的對手，配只有七場頭馬今賽復出的班德禮，以往都贏過此駒，憑著 116磅輕磅及當起馬的氣勢孭個騎師返嚟。
第七場三班1200米
轉到此程的「一代天嬌」近兩場得一亞一殿，名次循序漸進，隔一周匆匆再出，伍鵬志馬房已續返條纜，更在蝕分的情況下贏得三級賽，好開的馬匹可繼續好，未交代的馬匹亦陸續交出成績，這匹馬女已找啱出路，有內檔配後上騎師巴度，上仗也追得好勁，可望贏馬交代。上場排十一檔出閘唔快的「好友心得」索性留後跑，竟然追一段上嚟跑入第五名，放頭食糊的馬匹可以後追而有表現，證明馬匹有好鬥心，今場無明顯放頭馬，如出閘順利用回贏馬時的放頭跑法，要考慮是頂磅放頭會否做成影響，都是會跑到入三甲的馬匹。
第八場二班1200米
季內初出有追勢的「嫡愛心」，負於路程專家「小霸王」得第三名，以蔡廄初出馬嚟計屬合格的演出，熱身後安排試閘，在外面輕鬆追贏，今次再遇上次贏牠的兩匹對手，與上場一樣同樣有一檔，可搏第二仗會跑得更好，全組高分馬今仗可提升名次。四班贏到上二班的「小霸王」，直路上在內欄要到最後百五米先有位在兩匹馬中間竄上，只跑幾步在二班輕鬆以個多馬位取得連捷，一再展現此程的威力，衝到上96分仍意猶未盡，試多課閘捉到實輕鬆跑過，6W全由周俊樂經手的嫡系坐騎，有幾多仍有待揭盅，最緊要有熟手技工，有望突破一百分。
馬王六環彩提供
第三場 | 8團結一心 | 9無敵精英 |
第四場 | 2皇仁福星 | 7威威鬥士 |
第五場 | 1天火同人 | 12快如龍 |
第六場 | 7論文 | 11獨角獸 |
第七場 | 2好友心得 | 4一代天嬌 |
第八場 | 1嫡愛心 | 2小霸王 |
(馬王 4/1/2024)
Comments