第八場 第三班 (60-80分) 1000米
呢場大部份舊馬比「賢者無敵」屈機兩場後，今次遇到幾匹新對手，當中「銳一」快跳未夠勁，「巴閉仔」仲有啲昂首兼硬身，進度一般。
「爵登」上仗起步後潘頓好積極搶位，有心出撃，奈何衝程非長，但觀乎前四有三匹屬中置後上馬，似乎跟前競跑既佢有少少蝕咗形勢，復課單試神色馬身等都依然在水準之上，今場都有啲領放馬，縮程未必一定最有級數，但會賺到多少氣量，希望啱佢跑。
「萬里飛至」快跳仍精神奕奕，六歲馬唞埋個半月等今場，話唔定馬房不分正副。
「閃電烈馬」上仗成堆前領馬散哂，得佢頂到黎爭啲贏埋，話唔定係「紅旺」棗色版。
「劍山鋒」馬型格長相絕對不差，上仗起步受阻失去先機，直路輕催兩鞭師追多少，同樣縮程的牠配腳可拖。
第九場 第四班 (40-60分) 1400米
「好勁力」上仗雖守好位角逐，但慢步速締快末段追贏，三歲仔進步神速之餘，也算是馬房回氣期當中的頭馬，所以未敢看輕，馬兒復課仍然精神奕奕，今場不乏前領馬，可望再賺一次。
「嘉應喝彩」加眼罩試泥閘前後兼備，上仗已證明有千四氣量，今場難得借來鍾易禮執韁，相信都會把握機會攻堅。
「星河小子」出自強組 (027) 的牠，上仗再跑同程後上馬稍為主導前四名，而直路貼近內欄應是不利路段，假如是日跑道再次出現利放特色，負輕磅的牠有更大優勢。
「大利好運」剛戰初出狀態當場未十足，後上追近也靠貼欄慳腳程及快步速之利，埋門大閘馬兒仍有挨入去習慣，走規未算最純熟，所以初跑千四要有一定進步才可爭勝，宜先作配。
癲馬精選 第十場「12.亞洲籐王」
前仗 (108) 總場次一來是前置馬包攬大局，而此駒是後上馬中表現最好一匹，屬反趨勢賽績，再加上該場已不止一匹賽駒在之後上陣時提升名次，所以賽事水準亦可見不俗，上仗外檔留後遇慢步速可當回氣假敗賽績一仗，環顧今場不乏具前速前置賽駒，估計步速會屬正常內偏快，相信有助此駒發揮。
癲馬1760基金 (本金＄1760，每次投注WP各＄10)
承上結餘：$1709.00；盈/虧：-20.00
結餘：$1689.00；回報率：-4.03%
(波仔 3/12/2023)