top of page

佐治勇駒從拾正軌




今季馬季煞科,首先多謝各位讀者對「癲馬路路發」及本專欄的支持,亦請各位在抖暑期間多留意本馬網及來季記得繼續支持,祝大家在煞科日標尾會成功,豐收放暑假,多謝大家!


今日焦點落在兩個四屆冠軍騎師潘頓及莫雷拉身上,各自也取得132場頭馬,而現在潘頓只領先半場,如莫雷拉在頭馬數字上領先才可以成為今屆冠軍騎師,料今日兩位會有惡鬥。


練馬師方面,從練了五季的羅富全以六場頭馬領先蔡約翰,雖然雙方都佈下馬海,各有12匹正選馬列陣,除非是大奇蹟日,相信都好難反先;而在新制度下有三位練馬師要護級,何良仲有兩場先畢業,今日出馬四匹,牌面馬亦有,攞兩Win要靠運數;尚差一場頭馬才上岸的徐雨石,贏了21Win仍要護級! 今日六匹參戰馬中只要頭場較似樣;鄭俊偉也是受害的一個,贏了17場以舊制計已上了岸,在玩人的新制度下,護級無望。




第八場一班1600米


上場於直路上受困後,最後百五米才能真正騎到的「都靈太陽」,只以短馬頭位負於「飛輪閃耀」而屈居亞軍,潘明輝已盡了最大努力為馬匹爭取最佳名次,今次出到潘頓,孭121磅排四檔,只要走到好位,加埋強手壓陣,補中機會大。


未勝但準繩的「發財先鋒」,只有初出一場落第外,之後的八場全有獎金,更有六次入三甲,近兩場更跑入Q,今次縮程兼初跑一哩,有爭冠軍的莫雷拉之助,孭118磅排五檔,勝在跑法機動,且看能否頂得住前駒的後勁。




第九場三班1200米


由方嘉柏轉到蘇偉賢馬房的「佐治勇駒」,近仗在此程已展現了追勢,只是未能入圍,直至上場跑出了水準,負於守前發力在先的「祥勝霸駒」個半馬位得第二名,卻可比今季識贏的「連連有盈」及「夢巴黎」先過終點,今場配何澤堯,孭121磅排六檔,比以往做更多功夫出嚟跑,總共跳了四課,追勢凌厲,今次休息期亦比以往長,有心在煞科日開齋贏番場。


初出即勝的「運高八斗」上次贏的對手不算差,以兩又四分一馬位贏第二名的「閃電俠」,勝後加十分上三班,繼續由田泰安策騎,孭121磅排十檔,要睇田泰安在之前場次的表現是否手風順,佢一無可以成日無晒,計馬如順利跟到前面,亦要睇會否消耗太多腳程先埋到嚟,有隱憂及初跑三班步速,所以只作副選。




第十場二班1200米


六戰得四冠一亞一季,全入三甲的「金鑽貴人」,前仗初跑田草千四也可取勝,上場回到谷草千二米,不敵追上的「齊齊友福」得亞軍,今次初跑田草千二米,回配潘頓孭124磅,跟前跑的馬匹排在十檔,如出閘後順利搶到前面的位置,亦屬坐二望一的馬匹,但首次排在比以往外的檔位,隔離檔有「駿馬風采」、二檔有「遨遊戰士」會頂佢,必成熱門要搏前面有好際遇。


冷門吼隻好難贏的「醒臣」,自上季在二班贏馬後,一直未再有頭馬見面,今仗配三騎有一次入Q及一次跑第四的波健士,孭116磅排七檔,對手雖然強,但好多在今季都搏多了,如前駒因檔位的問題有咩閃失,今季硬仗少的「醒臣」有機會出冷。




馬王六環彩提供

第六場

2 縱橫天下

12 揚揚大道

第七場

3 極速飛彈

13 美麗攻略

第八場

7 都靈太陽

9 發財先鋒

第九場

13 運高八斗

14 佐治勇駒

第十場

6 金鑽貴人

12 醒臣

第十一場

4 信心之選

7 隱形翅膀


(馬王 16/7/2022)

94 views0 comments

Recent Posts

See All

Comentarios


bottom of page