第一場 第四班 (40-60分) 1200米
「日馳千里」上季尾連續兩場交出表現，而蹄下敗將之後都再交出表現，足見四歲馬已經找到支持點，今仗除比駒外，並無太多快放馬，如順利起步再度領放，有力再賺形勢，馬胆之材。
對手之中「新幹線」此程最佳，上季勝後加分後表現雖未有更進一步，但仍收到減分之效，今仗排四檔，內欄除「日馳千里」外，其餘兩駒並非快馬，估計此駒可守內欄好位角逐，心屬爭勝要角。
「五福星」上季多場賽事嘅對手都比今次強，未有太突岀表現可理解。暑假至今操練工夫做足，然而最近一課泥閘只負於數匹評分高較高馬匹，狀態不俗，估計今次馬少場合會有好際遇，正路配脚。
「飲杯」上季面對四班中上級對手仍有非常好表現，今次編入此組對手並非大強，季前兩課大閘做足準備功課，以上季面對強手嘅走勢，加上今次檔位有利守好位，亦屬正路配脚。
第二場 第四班 (40-60分) 1200米
「健康心靈」上季 483場次係慢步速情況下，末段做岀 23.47快時間取勝，蹄下敗將有多匹期後分別補中或走入前列，賽事水準甚佳，暑假期間操練正常，今次排一檔，雖稍稍弱配，如發揮正常，要贏並不難，可作胆。
「木火同明」 谷草此程乃是此駒最佳路程，評分由上季贏馬後 60分減至現時 44分，今次面對四班中下級對手，以上季仍係 55分贏馬，於此組別佔有一定優熱，有力推翻大局。
「競駿天下」上季 541場次贏馬，當時末段做岀 22.63快末段制勝，同場敗將其後亦交岀好成績，亦屬強組頭馬，正路配脚。
「金運來」上季 437場次以放頭跑法贏馬，雖然水準並非太高，但勝在跑法主動，今場賽事並無快馬領放，估計排五檔可順利放領，如步速控制得宜，要跑入一席並非難事。
(波仔 18/9/2024)
Comments