
第五場 第二班 80-100分 1200米
「晶晶日上」剛戰外檔起步沿途二疊望空領前屬快步速受害者,最終少負半馬位的表現絕對收貨,如今回師首本路程,有快馬場合,可採稍留跑法的牠有力爭取優異成績特別獎金。
「怡勁力」是今場另一匹可爭取優異成績獎金的馬匹,賽前兩試大閘仍有好走勢,少負十一磅上陣,估計更可增添競爭力。
「傑出漢子」上仗跟前及直路轉入內檔屬雙蝕入位賽績,曾於直路賽後追入位,跑法亦見彈性,忠心賽駒配腳仍要兼顧。
「魅力寶駒」上仗外檔留後彎位抄外疊稍蝕腳程,雖然在步速形勢上有利,如追兩步會更好,不過相對體力上沒有太大付出,今場前置馬相對多,早段應有正常步速,如果場地非側則利前置,估計留埋衝一段的牠會合發揮。
第六場 第三班 60-80分 1200米
「凱旋時光」上場段速唔易追,能追入位足見泥地性能出眾,雖然是岳頭馬但晨課愈來愈放鬆,唔鬥口,續見進步的牠搵啱出路一心等今場出,坐位望贏。
「昇瀧駒」剛戰轉戰泥地一撃即中,縱使受惠了出水車後大利前領的形勢,但整體段速水準都係好,面對大部份見盡賽駒,有力再贏。
「自強不息」上仗段速不利追,前兩仗跑一哩亦似嫌長,敗績換來六分減幅, 始終季內可在三班同程跟較強對手跑入位,如今負超輕磅,可搏一席冷位。
「年少有威」今季一再提出大閘起步唔俐落,且落腳唔夠銳利,包括近期大閘也算是,然而今場變數為降班及初戴眼罩的刺激,但都是靠估,所以只作配腳兼顧而已。
癲馬精選: 第二場 「7.日日獎」
上星期試泥閘起步唔慢,直路沿欄輕輕落騎功追勢不俗,然而浪頭較大的賽駒,相信重磅大師傅會較合發揮,泥地千二暫時亦屬唯一出路,相信今仗是箭頭所在。
癲馬 1760基金 (本金$1760,每次投注WP各$10)
承上結餘:$1349.00;盈/虧:-20.00
結餘:$1329.00;回報率:-24.49%
(波仔 3/4/2024)
Comments