今次谷草賽事用上Ｂ跑道舉行，回看近三次此跑道的賽果，有放有追，但要留上追贏的馬匹如12月14日的「管之友」「一舖成名」；1月11日的「樂天派」及2月8日的「躡景追飛」早段都要盡量慳腳程，再加上谷草馬匹質素參差及季中後馬匹體力下降，於陣上有賺形勢的馬更加有利。馬房方面剛剛4Ｗ的姚廄今次出馬陣容一般，未必可以乘勝追撃，而今次筆者睇好谷草贏馬第二多的方嘉柏及出馬六匹的賀賢馬房。
第一場 第四班 (40-60分) 1200米
「小霸王」四歲馬打疊三場跑得好，應該進入了成熟穩定期，上場於稍慢步速下可追贏，然而同場後置識追的「正氣青驅」，「耀力之城」翌仗均可上名，所以上場賽事水準有啲保證。今次四檔起步走位進可攻退可守，坐位望贏格。
「對衡之星」上場轉戰非擅長既田草千四雖然三甲不入，但鄰近的「色種笑」，「馬主雄風」及「陸知」等都係之後識贏馬匹，所以此席貼實內欄不利地的第七名絕不差，而今次賽亦屬季內首次上從化操練，有充足新鮮感返黎谷草首本應該係箭頭所在。
「國士無雙」復課快跳馬身仍見飽滿，過步俐落，而上仗陣上際遇可謂完美，惟今場其餘對手水準亦一般，故配腳仍要兼顧。
「神舟時代」谷草雖然未有上名，但於總場次(154)亦識得追，所以應合跑窄場。晨課快跳依然墜手好醒神，唞四十多天上陣相信都亦有一定新鮮感跟前競跑，亦可拖一票。
第三場 第四班 (40-60分) 1650米
「十八掌」兩仗號同程均可入位，四歲紐西蘭適應水土頗快，復課快跳翻步齊整，同場快馬唔多之餘，七檔更容易於早段搶生位作起動，力足補中。
「喜傲龍」上仗初跑谷草一哩即入位，雖然受惠了慢步速外檔走順起動的形勢，但今次檔位內移，未必再需要學上仗留後來跑，所以配腳仍可兼顧。
「喜蓮慧星」近兩仗無疑有點失望，但生涯兩勝均屬谷草一哩，兜轉一輪重返谷草或有新鮮感刺激，而且排內檔早段應可賺點腳程，可爭一席。
「建測群英」及「成才」均出自(420)場次，兩者計算似乎有較多同程上名依據及上仗沿途走二疊望空的「成才」表現較好，而且前者多負十磅亦多了點壓力。
第四場 第四班 (40-60分) 1650米
「功夫茶」前仗於前慢後快形勢下仍追入季軍，上仗更在超慢步速下交出最快末段於馬群內有追，足見七歲馬戰鬥力猶在，復課操練工序正常，排檔內檔有力重現大前仗贏馬時形勢。
「旅英福星」剛戰重回四班跑近，無疑彎中移出三疊稍蝕腳程，但不過步速唔快，計返唔唔算蝕太多，但觀乎鄰近賽駒均屬近況不俗賽駒，今場預計可再守好位跑，中年馬亦相信不再保留。
「藍海鐵騎」上仗的重心馬，陣上發揮亦無大錯，今仗排檔外移的確難跑左，但觀乎前仗都可在稍劣勢追近，套諸今組仍可爭一席配腳。
「合夥芙蓉」「大師級」及「歡樂頌」均出自總場次(440)，可以說是壓地前一場總時間可能偏慢，但該仗「星河小子」蝕步速上名，久未入三甲的「機緣巧俠」及「大師級」都追得有聲有色，所以賽事水準仍有待證明，所以大膽一試摒棄牠們。
正因如此，所以第四選加入有季內贏馬的「樂天派」，馬兒相隔兩個月後再上從化作小休後，相信體力上亦有優勢，谷草性能亦已證明，因檔位而有分頭，配腳可拖。
(波仔 8/3/2023)