勁大威猛再闖勝門

完成第七個賽馬日，各大媒體不時提及下跌的投注額終於上升，但上季同期只跑十場，剛剛的日賽跑足十一場，所以這樣比對未算精準。歸根究底，先不談騎師某時候陣上發揮礙眼令人卻步，其次，現時本地賽期密不可分，想補賽都唔容易之時，再有海外賽轉播，電視播賽馬多過新聞提要，雖然擴闊賽馬視野是對的，但如果每天給您吃山珍海味都總會有一日厭倦，如果可以將賽事縮減，具狀態實力馬要珍惜出賽機會，把握時間攻堅，賽果有績可尋，普羅馬迷有得研度，還有，馬迷們享受了刨馬過程的成功感，自自然有心機再投入賽事，對自己心水有信心，亦都會加大力度下注，所以盲目加場只會有害無利。

「勁大威猛」此駒乃上季巫顯東的開齋馬，然而上季第二次贏田草千八時，師兄也一箸夾中。今次再跑贏馬路程雖然排檔不及贏馬時，但環顧同場前領馬唔多，放頭馬應是新勝的「千禧龍」而且，所以即使排上中外檔也預期可跟守，陣前大閘走勢對辦，難得保得帥權，相信騎者尤如凱旋門大賽般認真策騎，否則失去帥權，續牌前途憂上加憂。

癲馬精選: 第八場 6勁大威猛 (隔夜賠率：9.8倍)

癲馬 1760基金 (本金全季＄1760，每次投注 WP各＄10)

承上結餘：$ 1757.00；盈/虧：+ $25.50

結餘：$ 1737.00；回報率：- 1.31%   (上季回報率: + 3.55%)

(波仔 4/10/2026)