第五場三班1650米
近而難贏的「天寅合一」，上季在田草一哩黏地贏馬後，今季全跑谷草此程，七仗中有三次入圍，今次首配近期手風順的蔡明紹，在近三次賽事贏了四場頭馬，三月開始至上賽日共取得十場勝仗，而每次賽事亦有位置交出，今場面對的對手比近仗減弱，望能憑騎者的努力取得頭馬。升班的「包裝全承」出賽四次只有一次不入三甲，上場受頂磅所累以半個馬位追不及今季長勇的「陸知」，加上沿途無遮擋、直路上走外欄蝕位，今次孭117磅全組最輕磅，當起馬必定盡力為馬房爭取成績，預計三班都必定夠爭，可繼續跟進。
第七場三班1650米
上場輸慢步速的「黑桃火箭」，沿內欄追趕只能追入第五名，以一個馬位落後於「飛馬將軍」過終點，今場改由何澤堯一試，檔位亦由大外檔轉排在二檔，可望改善早段不用留得太後，有了兩場千八米氣量，今季首次排內檔，季內只跑了五場用得不多，可賺體力再爆發強勁後勁。另一匹後追馬「銀鎚仔」，跑了兩場後已開始入局，近兩仗於此程已走得接近得獎金，今次排回前仗走近得第四名的一檔，首配蘇兆輝相信亦會如近兩仗般的跑法，先守在沿欄中疊的好位慳住跑，搵到遮擋效果會不同，搏進度可提升名次。
第九場三班1200米
兩捷馬「勝神威」(上圖)兩仗贏來追得出色，今場上三班如釋重負，119磅有埋三檔，再由潘頓出策，黎昭昇馬房已贏的馬匹多數都可以保持水準，只跑了五場，谷草千二米得兩冠一季未失三甲的四歲PPG，今場多匹後上馬以這匹新秀仍有分在手，憑當銳之勢升班也可應付，力爭三連捷。上場在四班已贏馬的「旭日光」，之前兩場在此程先試後上，試準後上場跟在放頭馬的第二位，於最後二百米透出後，保持走勢，以一條頸位頂住上前挑戰的「電子宇宙」取得首場勝仗，雖說是賺了慢步速之利，今場形勢與上場若干，或可再賺一次。
馬王六環彩提供
第四場 | 3贏盡天下 | 11精算其然 |
第五場 | 8天寅合一 | 10包裝全承 |
第六場 | 1國士無雙 | 12特攻 |
第七場 | 2黑桃火箭 | 10銀鎚仔 |
第八場 | 2小霸王 | 5神舟時代 |
第九場 | 10勝神威 | 11旭日光 |
(馬王 6/4/2023)
Comments