勝萬金三捷在望

第四場四班 1200米

方廄的「精彩駿將」今季只跑了四場，初出一役放頭贏馬，其後兩仗出閘慢咗亦在前仗追入季軍，今次新配艾道拿一試，只要把握到出閘的時機，今場得牠是放頭馬，在四檔搶得到前面的位置，又可跑入嚟的前兩名，加上馬房新勝此程的「超強六十」讓路，部署明顯。減分甚多的「電訊驕陽」今季已有兩次入 Q 紀錄，包括上場只以一條頸位追不及放頭贏馬的「騰龍四海」，可見這匹上季由 64 分起步的 PP，嚟到 45 分樓下已開始有反彈點，加上今季專攻此程，留放得好就有力在外面追上。

第六場四班 1000米

排一檔的「勝萬金」今場又可憑兩仗一冠一亞的成績叫糊，路程及單一的放頭跑法，只要擺在前面走，就有一定的靭力，由前仗替此駒贏馬的鍾易禮減三磅，有埋檔位做就，走順後要過佢唔容易。贏完千二米的「超強六十」，縮返落以往跑開的路程，上場贏馬已比以往跟得前，近四場巴度策騎全入前四名，追的馬匹唔怕十檔，前面有快步速，跟在中間外疊，追一段上嚟，場地利追就可再贏。

第九場二班 1200米

在二班六戰得兩亞兩季的「同祥和順」，場地性能廣泛，泥草皆宜，至於谷草千二米在三班只跑過一次，都放入第三名，這匹放又得、守好位追又得的廖康銘馬房的馬匹，和嫡系騎師希威森最夾，今場無馬同佢鬥搶，又可用單騎領放的跑法，先佔先機。今季已 4W 的「美麗緣分」，上場孭住頂磅都以一又四分一馬位距離，輕鬆贏馬，升到上嚟二班，面對著今場的多匹季內有績的強手，當然要面臨考驗，憑藉今季的鬥心，一撻着就如磨打般追上，當銳的強勢，升班都要揀。

馬王六環彩提供

第四場	1 精彩駿將	10 電訊驕陽
第五場	8 連連歡呼	12 瀧澤飛駒
第六場	4 勝萬金	8 超強六十
第七場	2 星價	10 紅海勁
第八場	8 時尚風趣	11 金匯昇昇
第九場	2 同祥和順	5 美麗緣分

(馬王     19/3/2025)