第一場 第五班 (0-40分) 1200米
「怪獸豪俠」曾兩勝同程，馬性亦能跟擅鬥， 上季 515場次贏馬加分後，於季尾階段仍然可在泥地賽上名，季前兩課試閘只敗於評分稍高嘅對手，今仗檔位形勢好，有力爭勝。
「欣樂人生」評分由上季 52分起步時減至現時 39分，上季 638場次跑入一席殿軍，而鄰近數匹對手其後再有表現馬，水準唔差，賽前試閘前後兼備，落五班有力變身。
「前風」屬五班中堅分子，同程時刻跑近，暑期評分下調五分有微利，馬房要盡快爭取成績，加上七歲馬應無保留，相信老馬更加要把握季初時間交代。
「宏才」另一匹上季評分高企而經常走到四四五五嘅馬，輾轉已減至 38分，以佢係四班走得近去推算，相信係呢組會有一定優勢，惟潘頓揀騎必成大熱，所以作配脚相對較合理。
第三場 第四班 (40-60分) 1200米
「包裝猛將」(上圖) 上季一岀即勝，當晚兩場四班同程比較，「包裝猛將」於慢步速下尾兩段締快時間嘅頭馬，然而蹄下敗將「心想事成」翌仗已補中，賽事水準應可信賴。賽前從化閘跟兩匹開纙日已有好表現嘅馬跑近，相信已具作戰狀態，屬馬膽不二之選。
「東來欣賞」上季 799場次雖受惠慢步速形勢取勝，但反觀該場賽事水準並唔差，皆因蹄下敗將再岀都有好表現，綜觀今仗對手非強，如前駒稍有差池，此駒有力反勝。
「夢幻駿駒」上季在 726場次在偏慢步速下，牠能夠交出全場最快末段追近主馬群，現在評分已比當時再低四分，如幕後有心攻堅，在今組已有力闖入一席。
「晨曦儷人」上季 697場次敗於「天天同樂」，後駒之後已再勝，翻查該場賽事水準絶對不差，陣前兩試大閘均見走勢，縱潘頓唔揀騎，但改配何澤堯，相信影響不大，同屬爭勝要角。
(波仔 11/9/2024)
Comments