第二場 第四班 40-60分 1400米
「包裝福星」148場次屬高水準賽事，此駒當時係快步速情況下僅負於後上嘅「增強」，身後已有兩匹對手已能翌仗補中，反映此駒係四班應屬過客，同場快馬不多，加上跑法主動，屬機會份子，可作馬胆。
「保羅傳奇」質新馬今季先後兩次跑入亞軍，尤以季初 112場次走勢及結合衝終點模式，此駒係四班要贏馬指日可待。上仗賽後操練正常，跑法亦較前駒機動，屬前駒心腹大患。
「馬鳳凰」上仗屬三甲馬唯一的三甲馬，有點反趨勢的賽績，埋門泥閘追勢猶在，大賽日跑道預計形勢平均有得追，有能力補中。
「鼓浪高升」上仗於相對慢步速嘅賽事裡面，後上做岀該場最快末段時間跑第四，但賽前所見馬兒狀態僅屬初起，所以能做出上仗表現，在此可考慮一席配腳。
第三場 第三班 60-80分 1200米
「健康快車」上兩仗均能做岀 22秒2以內的極速末段時間，而且姿態縱容，上仗初升三班走勢仍佳，理應阻力不大。今次排中內檔起步，可因應步速形勢取位，估計相對地有賠率，WP可搏。
「耀寶」四歲馬連場見好，上兩場係前快後快下完成賽事，而牠尾八百米均可能做岀 44秒內的好時間。今仗排九檔亦有利留放，加上A欄對後上馬有利，勢成大熱的牠作 QT胆較合。
「競駿先鋒」放頭領放肯定係呢匹馬最佳跑法，環顧呢場賽事，應只有「手到齊來」屬快馬，雖然排大外檔起步，更合呢匹馬立心搶放，估計可控制步速，配腳兼投。
「錶之宇宙」今季先後兩捷同程，兩場勝仗均能做岀甚佳末段期間，上仗下半段場次相對較利前領馬，以及岀閘稍稍緩慢情況下落敗。賽後操練功夫正常，排內檔如取位積極，未可忽視。
(波仔 8/12/2024)
Comments