田草進行冬草種植後的首次賽事，回看上季同期日賽都是採用 C+3 欄，而當日跑道特色是走一，二疊馬匹極具優勢，而轉彎走外疊僅得一匹可以上名，不過預計場地並非一味靠放，有放有追但後上馬也要盡量先慳腳程，看過了是日練馬師王賠率相對平均，筆者也認為合理，皆因今次賽事實力馬分佈得較散，唔算側重於某一兩位練馬師。
第二場 第四班 (40-60分) 1200米
「四喜鳥」上仗縮程一千筆者四選提供中也以牠作首選，結果稍賺步速下追入一位，足見馬匹具備作戰狀態，然而前速明顯欠奉的牠在熱身後增程上陣十分合理，今場不乏具速度的前置賽駒，相信會有利牠後上跑法。
「美麗緣分」首課八百米閘刻意跟馬跑走規轉順，埋門大圈快跳唔貼欄走中檔走規亦對辦，新季見進步，始終上季雙蝕情況下能跟「幸運遇見」及「堅友威」，在此未容忽視。
「欣樂人生」外地及在港大閘見速度，埋門直路閘起步後鞍上人刻意讓馬兒留守馬群中，末段走近觀眾席不利路段有追兩步，算是今場數匹初出馬中進度及成熟程度較好一匹。
「我為您」季內首匹三連捷賽駒，復課愈來愈見放鬆淡定，但再一次多添負磅上陣，外檔起步亦要考驗早段取位際遇，熱門獨贏不值搏，作配腳較合。
第十場 第三班 (60-80分) 1400米
「黃腳鱲」埋門泥閘起步反應好，上次前快後快，雙蝕之下贏馬，而蹄下敗仗「神虎龍駒」再出已經補中，賽事水準好，五歲馬現在跑法極具彈性，揸膽揀佢。
「飛鷹翱翔」雖然泥閘起步慢咗，希望係偶一為之，而且配更熟馬性鍾易禮會安心，然而泥閘直路移出走勢好，今場排檔差但內側快馬唔算多，所以有機操控步速。
「旗幟鬥士」泥閘起步唔慢，鞍上人順勢拖後而已，然而直路有勢頭上前，雖然排大外檔，但後上馬一條心留到最後更易跑，如果冬草場地偏慢有得追，冷腳可配。
「堅友威」回足氣先出十分合理，快跳馬身觀感亦對辦，而上仗起步慢咗，重磅沿途走外疊的窘境之下贏馬，但環顧該場其餘對手能力非強，所以對於起步唔利落既佢今仗升班排中外檔考驗多左，熱門份子作線腳。
癲馬精選 第一場 「12.洪運派彩」
此駒上季四班一次跑同程，當時貼欄守包箱位雖然是當日壓地後的有利偏差，但該場前五名馬匹有四匹是後追馬，相信跟前競跑的賽駒並非最有利，再細看同場一放到底贏馬的「日日友」翌仗升上三班仍可入位，另一匹前置輸得較遠的「俠客行」亦於上季尾也可在四班千四取得成績，由此伸算當時少負三身位的「洪運派彩」其表現絕不太差，輾轉下馬兒評分比當時少十八分，再有檔位之利，配上近期手風極順的鍾易禮，半冷可敲。
癲馬1760基金 (本金＄1760，每次投注WP各＄10)
承上結餘：$1557.00；盈/虧：-20.00
結餘：$1537.00；回報率：-12.67%
(波仔 5/11/2023)
Comments