谷草開鑼戰有一百萬六環彩多寶，連日來受天雨影響，要留意埋臨場會否落雨，及場地有否偏差的情況。
第四場四班1200米
近兩仗在同程得一冠一亞的「迎樂」，上場一如前仗入Q跑法，先跟在馬群中間的位置，入直路在跑道中間望空，一騎反應良好，似贏得驚險，仍可力發先至，雖然換了楊明綸，在已有路程認證的情況下，相信戰力不減，而試閘亦輕鬆從容得第三，加分後負磅不多仍在同班作賽，力足連捷。六歲中年馬「財駿」自前季贏馬後，要再落回四班才有接近的演出，今次配周俊樂實際負磅為121磅，比起上季長期要孭住128磅以上，已有一定優勢，加上試閘亦有走勢，在有多寶的三T及六環彩場次，這類冷味十足的冷馬一入嚟就 "財進"。
第五場三班1650米
上場成功在谷草千八米補中兼開齋的「博望坡」(上圖)，一改跑法不用留得太後，因應一檔跟在馬群的內欄第四位，最後二百米在兩匹前領馬中間竄上，打開勝利之門，今次跑前仗一跑即有季軍的路程，只跑了四次全有獎金，其中冠、亞、季全在谷草取得，今次有四檔形勢仍有利，情況可如開鑼日跨季4W的「能文能武」一樣，呂健威馬房好開的馬繼續好，維持穩定進步，馬房可包辦第四口孖寶。今場多放頭馬，除了對前駒跑法有利，另一匹追會有好表現的馬匹「十八掌」亦會好跑，前仗在四班追贏後，上三班亦可入圍，五戰谷草此程全入三甲，路有專長下亦是要揀的馬匹，只是前駒已有了三班驗證，「十八掌」今場屬第二次跑三班，睇多場較適合。
第六場四班1000米
做足功夫的「令才」，只要出閘最快搶到前段，單騎快放會似蹄鐵有油咁，越放越有，三班唔夠四班發威的放頭馬，今場有三檔之助，會對牠搶閘快放大有幫助，七歲馬把握季初，又可如上季般為伍鵬志馬房建功，一出即勝。上場因有大量痰液而落敗的「飛行棋」，索性提早唞暑，留返今季先用，潘頓再攞嚟騎，後追馬排在十一檔未必是壞事，只要潘頓有心機攝得好，只跑一條直路的後上威力，此駒一交得出其應有的後勁，隨時可以贏馬交代，只怕健康出過問題，會否對初出三場的準繩表現有影響，先觀察一場。
馬王六環彩提供
第三場 | 1勇威神駒 | 2錢多多 |
第四場 | 4迎樂 | 7財駿 |
第五場 | 2博望坡 | 9十八掌 |
第六場 | 1令才 | 6飛行棋 |
第七場 | 1巴薩諾瓦 | 2加州得力 |
第八場 | 4越駿知己 | 10心想事成 |
(馬王 13/9/2023)
Comments