喜勝駿駒追落後

黎到今季最後直路，係時候都要稍為回顧一下，冠軍騎練相信都毫無懸念，來季騎練陣容剛剛亦塵埃落定，現在只剩下競逐告東尼獎的潘明輝及蔡明紹的鬥法，其次就是今屆馬王究竟馬落誰家，坊間馬迷朋友以至行家們都各有不同睇法，有的認為直落贏八場兼五勝一級賽的「嘉應高昇」實至名歸，其次終於可以打破「翠河」保持三十一年長途三冠王紀錄既「遨遊氣泡」也有不少擁戴者，不過有說法認為牠在冠軍一哩賽被「紅運帝王」屬扣分一環。而在筆者心目中，長短途王者的確各有千秋，不過長途賽似乎所遇到的陣上形勢比短途更多更不同，所以歷來本港也誕生較多的短途三冠王，所以要忍痛二擇其一，波仔認為「遨遊氣泡」略略秤先。

今次《癲馬精選》揀出自方廄的馬匹，其一是因為練者明日只派五匹參戰馬列陣，然而練馬師王也排得前，似乎操盤手也睇好此廄賽駒機會，其二艾兆禮適逢布文停賽亦是爭取頭馬好時機，回說「喜勝駿駒」，此駒前仗已證明高水準賽事，快步速唔斷亦反映其氣量不俗，剛戰跟前雖然形勢端好，不過末段可締快時間贏馬表現亦出色，曾有傷患的四歲馬納入正軌，相信幕後亦不作保留。

癲馬精選: 第四場 11喜勝駿駒

癲馬 1760基金 (本金全季＄1760，每次投注 WP各＄10)

承上結餘：$ 1741.50；盈/虧：- $ 20.00

結餘：$ 1721.50；回報率：- 2.20%

(波仔  1/7/2025)