天星操足一出即拼

第二場 第四班 (40-60分) 1200米

「旺旺快駒」上仗排大外檔起步落敗不足為據，而回看一月份兩場賽事均跑入亞軍，309 場次於慢步速情況下後上跑亞軍，而 340場次更屬快步速受害者下，力抗一眾後上馬跑第二，兩場賽事水準甚高。正所謂追又得，放又得，套諸拆組應已夠用。今場有力坐正。

「嘉冠王」靈犀牧場出品，來港後四課試閘共取四冠一季，而且姿態一次比一次輕鬆，脚法純熟亦識追馬，雖然來港初期左前腿肱骨受傷，以試閘表現去衡量，傷患應已全瘉，相信一岀即拼機會甚高。

「金風萬里」上仗起步失先機，馬兒在慢步速下，尾八百米跑岀 44.34嘅快時間，表現岀色，縱上仗賽事水準暫時睇未必高，但勝在自身時間岀色，作配腳無妨。

「手錶之星」今季初階段連場有表現更兩勝同程，而且蹄下敗將係之後賽事亦悉數贏馬。近仗遇上強手才敗陣，環顧今場對手應比之前較弱，如發揮正常仍有爭一席之力。

第三場 第四班 (40-60分) 1200米

「天星」典型靈犀牧場精品，去年 11月到港後隨即做工夫，之後於從化加強操練，其中兩課從化草閘都能勝岀，表現吸睛，回港後兩課閘走勢成熟，尤以埋門泥閘，係兩匹馬中間一衝即勝岀該課閘，配合馬房攻勢志在不小，有權一岀即勝。

「精算激流」兩次上陣雖然後上均未能走入三甲，但如果留意呢匹馬嘅末段時間的話，不難發覺此駒均跑岀最快末段時間，尤以上仗，此駒尾八百米締 44.38嘅極速時間跑第三，表現突岀，經兩仗熱身後不可不防。

「鼓浪好友」上仗跟前得第四，雖然末段時間一般，但屬前置馬中表現最好嘅一匹，加上沿途走住冇遮擋嘅二疊，所以整體表現算岀色。賽後操練程序正常，前置馬偏少屬三甲份子。

「閃光燈」上仗與「鼓浪好友」同場的牠際遇剛好相反，在受惠快步速情況下後上贏馬，而上仗沿途都顯示比較慢腳，在加磅後再度留前鬥後，可能再配較安心。

(波仔 9/3/2025)