跑畢今次谷草夜賽後馬季只餘下六個賽日，早前馬會早已放風，新一馬季會略為延遲開鑼，不少騎練因疫情被逼困港而未能如以往可以外出渡假或者回鄉省親，但今季疫情稍為放鬆之下已有練馬師早已離港，據悉馬季煞科後絕大部份騎練會當晚馬上啟程，而較早前何澤堯亦獲日本中央競馬會發牌，七月底會開始客串一個月，期間估計他會代表香港參加超級騎師賽，由於現時外遊回港需要酒店隔離七日，估計他們不遲於八月底便要回港，完成隔離後仍有接近兩星期準備新馬季。
[天行健](上圖)終在上月中打開勝利之門，臨場票如雨下出擊得手，轉戰谷草五戰獲一冠兩亞似乎已找到出路，復課保持正常操練未見放緩，梁家俊亦主持大部份快課，早前試田草一千閘末段輕鬆上前走勢從容，埋門快跳兩段步幅開揚火氣旺盛，狀態比贏馬時更進一步，現評分仍有上升空間，近期梁家俊手風甚順，賽前備戰相當積極，今仗對手似是而非，如跑回上仗水準仍屬爭標主角，有力連捷可以再追。
癲馬精選
第六場 5天行健
(資料組 28/6/2022)
Comments