第五場四班 1200米
第二仗已跑入圍的「天天耍樂」，跟前之下在直路上一度出頭，去到最後一百米才被越過得第三名，跑過一場後已有明顯進步，羅富全馬房的新馬比較穩健，可期望繼續再進。黎昭昇馬房新馬「超平凡」，近兩課閘都掄元而回，用潘頓上陣望能解決可能會慢閘的情況，季尾時候出賽，一來對手減少，兩閘做好功夫先出，今組的對手多屬難出頭之輩，質新分子可憧憬。
第九場三班 1400米
剛報捷的「安康萬里」，贏完千四米升班再跑同程，這匹三歲 PPG 五戰得兩冠一亞及兩次第四名，今次喜獲一檔，用番上次贏馬的何澤堯，這對騎練上周日的合作成績強差人意，呂健威馬房繼續要力爭頭馬，望能憑此駒將功補過。最大對手非兩出兩捷的「以戰常勝」莫屬，這匹同樣是三歲的 PPG 為蔡約翰馬房近期少有的頭馬，今仗面對著升班兼增程，以追勢計應合適合，馬房俾足心機，試埋閘按韁自動追上，有意再搏多場先唞暑。
第十場三班 1200米
尚欠兩場就上岸的丁冠豪，今場有新勝馬「魯班精神」上陣，這匹上陣了三場得兩冠一季的 PP，上場孭住頂磅以三又四分一馬位贏甩對手，今場升班再跑贏馬路程，就算唔夠三檔的「同祥和順」快，亦可吊住第二位跑，如第七場的「同德威」報捷，此駒有望為馬房畢業。久休復出的「營造組裝」，因左前腿肌腱受傷而隔了半年再上陣，雖然其第三名是被甩開，但大部份是在沒有遮擋的外疊競跑，算是合格的演出，今季只跑了三場，始終是贏過三班千二米，呂健威馬房爭冠要緊。
馬王六環彩提供
第五場 | 2 天天耍樂 | 4 超平凡 |
第六場 | 6 勝意 | 12 富喜來 |
第七場 | 3 陽光勇士 | 12 同德威 |
第八場 | 1 快樂高球 | 14 紅海風帆 |
第九場 | 5 以戰常勝 | 9 安康萬里 |
第十場 | 5 魯班精神 | 6 營造組裝 |
(馬王 6/7/2024)
Comentarios