第三場四班 1650米
路程準繩的「得意佳作」，上仗走蝕位之下得第五名，六歲馬換一換人，首配蔡明紹，在處理上或會為馬匹帶來新鮮感，排埋一檔攝好位可跟番前啲，形勢會有改善，憑著路程的專長同對手唔強，又可走入嚟。仍未能贏馬的「領創動力」，上場只差一個頭位負於「逐步贏」，更在末段時被第二名的「大力猴王」干擾，這匹 1.8 倍大熱門連 Q 都撻埋，潘頓繼續揀騎力圖收復前失，已連續兩場跑第三的四歲馬，排在八檔要處理起步時減少蝕位，進步中的馬匹仍是今場馬膽的重心。
第五場四班 1200米
在不利形勢仍可取得跨季孖寶的「椒椒醒」，屬高水準頭馬，該場的第四名「晨曦儷人」再出亦補中，後上馬排中檔索性走二疊減低塞車及要抽出搵位的風險，仲有幾多在手仍是未知數，縱使今場對手多，搏有分在手可贏馬。跑了一場的「新力」，一檔走了裡面的不利地，只能以第五名過終點，在上場手術復出後仍可保持到走勢，始終是上季尾兩連捷的路程，今次首配何澤堯，仍有內檔之助，如場地沒有太大偏差，繼續可睇多場。
第八場三班 1200米
近六場都有獎金的「家樂龍駒」，上場贏馬後唞暑，等到今晚才出，雖然兩課閘在起步時都有問題，不過潘頓睇中，唔係流料，仲要排到二檔，今場對手無叻馬，未熱身及熱到透都無得拗頸，行頭一定要搵佢。轉到告東尼馬房的「得道猴王」，做了三課閘先出嚟跑，三課到展現到追勢，有好明顯的進步，只跑了兩仗的四歲馬，屬今場不明物體，除了上駒外，在其他馬揀唔落手的情況下，可拖這匹一票。
馬王六環彩提供
第三場 | 4 得意佳作 | 8 領創動力 |
第四場 | 5 納百川 | 11 新幹線 |
第五場 | 3 椒椒醒 | 9 新力 |
第六場 | 6 添開心 | 12 三軍勇將 |
第七場 | 2 極速奇兵 | 4 爭金奪冠 |
第八場 | 5 家樂龍駒 | 6 得道猴王 |
(馬王 16/10/2024)
Komentar