第六場四班1200米
轉谷草仍可入圍的「小刺蛋」，上場只以四分三馬位負於排一檔的「祥華孝寬」，也輕微甩開第三名的賽駒，今場前面有「喜駿之星」、「心想事成」等快馬，會有快步速之助，排十一檔先攝得好，掟出外面起勢追，前仗排在十二檔也得季軍，狀態仍然對辦，苗禮德馬房上次谷賽精神完，望能替這匹「小刺蛋」取得首場勝仗。散倉在即的高伯新，今場派遣「心想事成」上陣，已找到了放頭為最佳跑法，之前一口氣取得三捷，上場負頂磅也可放入第五名，今次搵鍾易禮減七磅，排八檔要盡快殺埋嚟，只要快得過已轉沉的「喜駿之星」，可替馬房攞些獎金。
第七場三班1800米
潘頓繼續唔放手的「連連歡呼」，連同在上手馬房在內，試過晒長、短途也未能出頭，十八戰只得一亞一季，上名率更是極低，自轉到伍鵬志馬房後的首仗(557場次)，從新展現追勢，但仍只限近而唔贏，相信馬房的鬥志，及潘頓心有不甘繼續替此駒上陣，有心拼過明白。再度增程的「博望坡」，谷草賽績較好，兩次也跑入圍，得一亞一季，上場谷草一哩以半個馬位負於「馬爾代夫」，一再展現追得好，今次抽到一檔，長途種跑千八米只會更合適，與霍宏聲又合拍，呂健威馬房連勝了五期，上賽更食出大四喜，只落後亞軍的羅富全一場頭馬，可挑戰練馬師榜的第二位。
第八場三班1000米
已有三班認證的「四季醒」，此程得兩冠兩亞，近兩仗取得連捷，上賽勝後加了七分，三歲仔要負頂磅，以其上場贏馬的姿態及試閘視對手如無物，相信潛力仍未見盡，黎昭昇馬房靜了一個月，此駒有一枝獨秀之感，可能替馬房破悶局。季尾特佳的「宜春輝煌」，上季尾兩連捷後處於減分期，評分回到贏馬時的水平後，上仗已跑入圍，只追不及前駒及亞軍的「人和家興」得季軍，該晚的谷草短途是利前置馬的，三駒今次再同場，但兩駒要負百三磅以上，反而「宜春輝煌」加磅不多，評分有微利，今次除頭罩求變，半冷可搏反先。
馬王六環彩提供
(馬王 12/7/2023)
Comments