第八場三班泥地1650米
只有十二場頭馬的鄭俊偉馬房，周三夜尾場憑「齊齊友福」添得寶貴的一場頭馬，今場有在轉倉後已在泥地同程勝出的「無心睡眠」上陣，繼續由贏馬拍檔何澤堯，孭132磅排六檔，自鄭俊偉接手勝出後的兩仗泥地亦跑入第三名，望能如「齊齊友福」般為馬房再添頭馬。
泥地耍家的「華卓晴」季內在中長途取得3Win，近仗連後上也可取勝，上場升上三班遇濕泥地也入Q，輸比三班再贏的「浪漫組合」，證明升班輕磅仍有威力，賽前更試埋閘備戰積極，今場由巴度出賽，孭120磅排三檔，跑法又夠機動，擺在好位同你哋走一段，隨時可再贏。
第九場二班1400米
上場小休近兩個月復出的「少爺仔」(上圖)，只以短馬頭位負於當銳的「金鑽貴人」得第二名，末段時間為該場最快的21秒98，仍保持一貫銳利的後勁，今次首配潘頓，123磅排四檔，此駒自第二次出賽爆大冷贏馬後，之後的六場全有獎金，由63分殺到上85分，其中3Win全在此程取得，操練更覺仍在進步中，今場馬少場合兼強配，馬房有心為此駒再添多Win。
告東尼三駒中，取質新的「時時歡呼」，雖然屬馬房的第二選擇要升班兼增程，演出勝在夠準，出賽四次全由今仗騎師田泰安策騎，得兩冠一亞一季全入三甲，上場孭到133磅以一條頸位負於「勝得出色」入Q，今場孭少十二磅，仍有好檔幫手，排三檔可輕易守到好位，只要騎者咪再論論盡盡，如又跌鞭之類，擺在前列的位置三甲仍穩陣。
第十場三班1400米
今季搏嚟搏去都只是位置的「馬爾代夫」，就算是落弟卻每仗都近，無論是谷草或田草都會追一段，今次重配騎埋今季走人的薛恩，孭新改制的頂磅，135磅排在四檔，先慳好位爆一段亦是薛恩的煞食招數，賀賢馬房近期冷門醒神，此駒成冷勿忘。
自今季在360場次開齋後的「以戰得勝」，之後均是近而未再入圍，上場出閘緩慢的情況下，追入一席第三名，只以四分三馬位負於「自然輝煌」，自贏馬後首次入三甲，今場配潘頓，127磅排八檔，現階段增程更好追，有利馬匹的發揮，上次夜賽羅富全馬房靜了一夜，今日應有頭馬見面。
馬王六環彩提供
第五場 | 1 平行時空 | 5 健康馬 |
第六場 | 2 天天得樂 | 8 新境界 |
第七場 | 5 多多勇駒 | 12 機械戰士 |
第八場 | 4 無心睡眠 | 10 華卓晴 |
第九場 | 6 少爺仔 | 9 時時歡呼 |
第十場 | 1 馬爾代夫 | 6 以戰得勝 |
(馬王 25/6/2022)
Comments