相信大家近日就睇世界盃感到相當繁忙，特別在香港的網友，尾場深夜三點開波，現在進入淘汰賽階段，萬一法定時間和局便要加時三十分鐘，未分勝負就十二碼解決，隨時要到清晨六點才可入眠，之前同老總尤達師兄談論日本殺敗西班牙一役，他與馬王哥頓身在英國，正常情況睇完尾場只係晚上九點，時間可謂正到飛起，至少不用捱夜，唯一問題係英國進入冬令日短夜長，下晝未夠四點天已黑齊，生活節奏更加放慢，不過下星期香港國際賽上演，相信癲馬上下必定忙個不停，希望各位網友多多支持。
[勝得出色](上圖)上季三歲三捷屬新馬精英之一，暑期開操循序漸進地加強，期間不斷與頂班馬試閘，雖然表面肯定輸蝕每次都交出不錯走勢，快慢由人渾身是勁，晨課運步開揚腳法清脆，本身踏入四歲持續成長進步，操好至今才安排上陣，上季於三班已經兩連捷，論馬亦非三班可留，今番用到手風大順的OK哥布文，配搭或比巴度更加如虎添翼，新鮮感夠縮程二百有力取得歷來第四捷，今季初出不容忽視。
癲馬精選
第六場 2勝得出色
癲馬1760基金(本金$1760, 每次投注WP各$10)
承上結餘: $1572.00; 盈/虧: -20.00
結餘: $1552.00; 回報率: -11.82%
(資料組 4/12/2022)
Comments