第一場 第五班 (0-40分) 1200米
「真好運」季初 004場次跟前跑，係搶口情況下落敗，但當時埋門落飛至啡格。之後連續兩場谷草千二落敗，現時評分已減至現時 38分，回師沙田千四理應更好跑，今次同場欠缺快放馬，如此駒能跟守前列競跑，有力變身贏馬。
「星運皇爵」陣上已多次締快末段時間，前仗賺快步速嘅情況下，末段開岀 23.19快時間，走勢有餘未盡，尺寸馬今仗如能跟守好位，相信以呢匹馬嘅後上姿態，再贏馬不足為奇。
「烈火駿馬」上仗係慢步速情況下，後上交出 44.48嘅快時間，加上臨場票數由 10倍打至啡格 3.8倍，反映馬房有心搏殺，可惜只能走入一席季運。上仗因傷退岀，唯傷患馬鬥志不用懷疑，但作配始終較為合理。
「紅鬃烈馬」上季同程贏馬，前仗季內初岀，於快步速情況下快跟唔斷跑第四，屬反步速趨勢落敗不遠馬匹。今次同場快放馬欠奉，如此駒大外檔岀閘能順住走，隨時放甩對手而回。
第三場 第四班 (40-60分) 1200米
「帥帥友福」上仗沿途留後兼走二疊，末段卻跑岀快時間追近，雖然名次不起眼 ，但鄰近跑法嘅「皇仁歡星」再岀已入Q，反映當日呢兩匹馬後追跑法應要特別留意。今仗排位內移，估計可稍稍跟前走，以駒末段表現，有力敲勝門。
配腳首先留意一對岀自 148場次嘅「包裝福星」及「好精神」。「包裝福星」沿途係二疊競跑，而末段時間亦好，潘頓唔放手值得信賴，唯排檔稍外可能稍有影響，作配較合。
「好精神」屬今場唯一季內曾贏過的馬匹，而且贏嘅係同程。上仗岀閘快守好位，末段衝刺表現甚佳，做岀尾兩段時間亦好，唯一考慮係馬房表現反覆，如有心搏殺，絶對可推翻大局。
「藍爵爺」季內初岀，此駒係從化做足功夫而臨，騎者亦專程上從化為此馬親試教閘，重視程度十足，馬房初岀馬有一定保證，成冷門不妨拖一票。
(波仔 24/11/2024)
Comments