踏入七月剩餘六個賽日，由於下星期一沙田進行補賽，變成九日內進行四次賽事，至於煞科日亦破天荒舉行黃昏賽，自舉行黃昏賽事以來，從馬會每次賽後公佈的投注額，每次都錄得顯著跌幅，當然馬會高層都相當緊張，尤其近兩次跌幅達雙位數字，雖然如此，但亦不能完全歸咎跑黃昏馬，賽事本身很多都似拉雜成軍湊夠數外，接近季尾退役馬數目顯著增加，新馬未及補充，賽事質素如何大家可想而知；另一邊廂兩項公眾投票快將截止，香港所謂選馬王普羅大眾冇份參與，只有兩項公投選最受歡迎人馬叫做馬迷話事，手執選票選馬王的，有幾多與候選馬馬主關係密切，有份參與選舉的有多少曾接受過候選馬主的“蛇齋餅粽”又或者慶功宴之類？這個所謂香港馬王選舉，認受性已經每況愈下，連提及的意欲都沒有。
上次推介的[神速馬車]戴文高早段發揮實在不敢恭維，結果末段鞭長莫及連位置都不保，但下場策騎[精彩生活]又懂採取主動，今季不少選馬都這樣輸掉實在非常無奈，[堅又威]之前表現反覆陣上際遇麻麻，至今仍未出頭，情況如厩侶[萬事快]一樣，但四月底馬昆執韁入Q一役叫做表現最好，上仗用何澤堯又告走樣，末段意外多多致敗，賽後重新做工夫，神態活躍埋門有態，快跳火猛力足成熟再進，今仗扳大頭用潘頓，強配下應有能力反先，出頭在望值得再追。
癲馬精選
Comentários