我做到乘勝追擊

第七場 第三班 (60-80分) 1650米

「勁好運」上仗快步速跟前走考氣量，而末段仍能開岀快時間贏馬，屬快步速下兼快末段嘅好賽績，而蹄下敗將「盈益善」剛剛亦已補中，賽事水準不容懷疑，大勝後潘頓仍造磅策騎，未可輕視。

「我做到」上季尾至今持續見好，上仗係快步速跟前走形勢下末段依然能交岀甚佳末段時間，而蹄下敗將嘅「堅闖」其後亦再跑入亞軍， 可見其頭馬表現實至名歸。今仗排三檔起步，應可跟守好位，亦可因應直路較佳路段衝刺，有力再勝。

「建測羣英」上仗鄰近「我做到」「爭金奪金」及「赤馬雄心」之後都可再交出水準，而此駒直路更走近不利路段，故賽績更要看重，埋門從化閘起步順滑，沿途走外疊下末段追勢不弱。

「太陽勇士」剛戰埋門落重飛搏殺，沿途跟前屬快步速受害者，所以敗績有藉口。然而總場次 109的段速水準也不弱，排好位角逐，不妨再給予機會。

第八場 第三班 (60-80分) 1200米

「駿步騰飛」上仗 091勝來輕鬆，末段時間甚快。查當晚賽事相對利跟前馬匹，而呢匹馬正正係後上取勝，賽績值得尊重，新開倉馬房戰意明朗，有表現嘅馬應不會有所保留，再下一城並不難。

「得道猴王」上仗雖敗，如果留意當日走勢，此駒係該場係不利場地競跑，能走入一席第二亦有著反步速趨勢嘅好賽績。今仗雖排檔比上仗差，目前評分亦有利，走入一席並不難。

「開心寶寶」接下來週日有三班千二唔報跑，卻打皇牌轉場而臨，未知是否配合頭場「勁進駒」出撃，但出場五次未甩三甲，表現準繩，跑完一仗後晨課活躍感續增，愚魯唔重口馬，相信也較易適應谷草，轉場有力一網打盡。

「無限美麗」此程最佳，上仗季內初岀入直路取位甚差，兼係重重受困嘅情況下，並未展開完全衝刺，今仗原班人馬再上陣，如非再度遇上上仗嘅情況，理應有更好走勢甚至贏馬。

(波仔 30/10/2024)