手機錶霸無懼檔差

第五場二班 1600米

十一仗都保持三甲的「手機錶霸」，季內初出兼首戰二班賽事，只以一個頭位追不及賺放頭形勢，跑慣二班同贏過的「飛鷹翱翔」，今次雖然排在十二檔，不過今場會擺前的馬匹唔多，初跑一哩或會面臨考驗，憑忠心性格及走得順都有一定的靭力，仍處於上升軌，一於搵佢做膽。與何澤堯合拍的「話你知」，試閘行上嚟咁贏一眾對手，馬匹當起及已在一哩兩捷，上場初跑二班千四米亦入圍，高分的五隻馬唔惡，此駒有輕磅之利，外面衝一段，有一定的威脅。

第八場三班 1200米

兩出兩捷的「包裝天將」，上場為高難度的頭馬，升班轉場，出閘唔算快都可以贏成三個馬位，被重手加十二分都屬合理，賽前兩課閘都由潘頓親自試，輕描淡寫入前兩名，雖然抽十二檔，質高於今場的對手，而呂健威今日亦有馬配合，搏佢三捷。上仗慢閘的「河好運」，在不利追的場地跑入第四名，初跑三班亦可接近，這匹常近而前仗終於贏馬，五仗不失前四名在廖康銘馬房屬穩定的馬匹，上場初跑三班在咁的情況下都近，今次俾班德禮試一試，排在一檔唔塞車就有力追上。

第十場三班 1400米

已贏此程的「盈妍威楓」，繼續由潘頓策騎，連同外地賽績都是以千四米最好，贏完一場後狀態再度提升，明顯唔係三班馬，同樣排在十二檔都無有怕，伍鵬志馬房上季有多匹贏完又贏，一季多捷的賽駒，保持到馬匹的穩定性，這駒在今季會是其中一匹。季內初出走三疊的「安康萬里」，入到直路追一追就無以為繼，十月十日試多課閘先再出嚟跑，由手風轉順的何澤堯摸到實，輸咗一場後及今場都有多匹馬叫到飛，此駒會有一定賠率，一於睇多一場。

馬王六環彩提供

第五場	6 手機錶霸	10 話你知
第六場	1 哈羅威	5 熾烈神駒
第七場	2 嘉應高昇	8 美麗第一
第八場	2 包裝天將	12 河好運
第九場	5 都靈星球	6 金勝名駒
第十場	2 盈妍威楓	4 安康萬里

(馬王     20/10/2024)