冠軍練馬師之爭成為今季煞科焦點，兩位今季旗鼓相當的練馬師，伍鵬志與呂健威要今日先正式決定邊一位可以首次榮登冠軍練馬師寶座，在數字上呂健威仍落後一場，但第二及第三名仍落後，即是要贏兩場以上先正式封王，馬房今日出馬十匹，有九場有馬列陣，而伍鵬志出馬九匹，有七場有馬上陣，料有一番惡鬥。
亦感謝各位對本馬網及本專欄的支持，祝大家成功標尾會，在煞科日勝利而回。
第八場一班 1600米
首配潘頓的「禪勝輝煌」，今季 5W 全在一哩取得，這匹放又得、追又得的，近兩課快跳都由潘頓經手，潘頓騎呂健威馬房的馬匹，今季得十四冠四亞一次季軍，只有七次落第，勝出率甚高，此駒配到馬房殺手，目標為贏馬爭冠軍相當明顯，騎練今日成手惡馬，可連場入凱旋門。二班贏馬後在 G3 跑第五名的「常拼常勇」，有三勝千八米氣量縮落一哩，而上場負於今季四大強手，賽後亦加了兩分，有過一場級際賽經驗，今仗唔洗蝕分上陣，回配前仗贏馬的巴度，有埋一檔，七歲馬今季十場全入前六名，準開的中年馬繼續拖住。
第九場三班 1200米
落班的「明心知遇」今季仍未交出頭馬，亦曾有過兩次因腳患而退出，今次一落班即強配今季兩騎得一亞及一次第五名的布文，這匹連續七場都有獎金的四歲馬，任何場地都能交到追勢，跑三班會佔班利，可提升名次。一出即勝的「包裝天將」，上場在谷草贏有過谷草認證的「砂漿金剛」兩個半馬位，而出閘時仲要論論盡盡，今日呂健威精兵盡出，此駒圖配合馬房攻勢，面對著升班兼轉場，憑質素搭夠亦可一爭。
第十一場三班 1400米
呂健威為爭冠軍今場派今季四歲精英「手機錶霸」上陣，這匹九戰全入三甲，有三次是贏馬而回，上場軟地兼無遮擋走外疊，以不足一個身位負於近況出色，今季也是三捷的「陽光勇士」入 Q，而兩駒甩開第三名其後補中的「一定美麗」三個馬位，屬高水準賽績，馬房今日為爭冠軍大晒冷，此駒可穩守尾門。近仗連場接近的「一定美麗」，上場更再贏多場，今場一再遇前駒憑勇可以加入一戰，而上場贏到「綠族豐收」、「陽光勇士」兩匹有近績支持的馬匹，七歲馬喜逢第二春，趁勇用盡搏得就搏，可與前駒串 Q。
馬王六環彩提供
第六場 | 4 堅闖 | 12 天天得樂 |
第七場 | 1 翹峯 | 2 遙遙領先 |
第八場 | 4 禪勝輝煌 | 9 常拼常勇 |
第九場 | 2 明心知遇 | 12 包裝天將 |
第十場 | 1 好勁力 | 7 和平波 |
第十一場 | 1 手機錶霸 | 3 一定美麗 |
(馬王 14/7/2024)
Comments