第八場二班 1400米
今場呂健威出三隻，首先看好十戰全入三甲的「手機錶霸」，其中有四場是贏馬，上季殺煞尾場一役更奠定呂健威成為冠軍練馬師的錶霸，加十分上到二班相信仍會夠分量，今場出馬得九匹，這匹「手機錶霸」為馬房第一選，此駒頭兩場正是由何澤堯策騎，雖然騎者暫時得兩場頭馬，但兩匹都是來自呂健威馬房的，今場贏馬又會多匹高班賽駒，一於搏 W。而第三選擇的「合夥奔馳」隔了九日再跑，上場在最後二百米被封一封，連 Q 都撻埋，六捷良駒輸得心有不甘，今次增程二百米，雖然未有路程認證，但配潘頓後始終是全入三甲，睇埋今場先再決定是否已經要消化評分。
第九場三班 1200米
由一千米起步的「駿奕快車」，逐步增程去到千四米都有第三名，這匹六戰全有獎金的四歲北半球馬，嚟得好快，季內初出跑贏馬的路程，試兩閘亦輕鬆自如，睇落就知是仲有好多上升的空間，二檔守好位會相當好跑，雖然五至七號的對手已熱了身，分別也贏馬及入 Q，有好際遇就算初出也可提升勝算。兩出兩捷的「包裝猛將」，在仍稚嫩的跑姿下贏來仲有大把在手，就算初跑沙田都可以憑質素搭夠，何況這組三班屬強手不太多，範圍都係得中間號碼的四匹馬之爭，當銳之勢要入頭兩名有權做到。
第十場三班 1400米
初跑千四米得第四的「魯班精神」，排十一檔沿途二疊蝕形勢，加上是初增程，當是一場熱身的經驗賽，丁冠豪馬房在上賽日已經開齋，食住條水，質新馬可期望繼續進步，馬房子彈不多，有好馬必力爭成績。一口氣兩捷的「金勝名駒」，自轉向千四米後得兩冠兩季，試閘砰砰聲追上，似模似樣繼續搏殺格，初跑三班比上場孭少十二磅，排外檔會否影響爭勝的機會？以上季三歲孭住 133 磅都可以贏對手成個馬位，而且更因外閃需要修正，轉四歲會繼續成熟，一於要佢。
馬王六環彩提供
第五場 | 1 快樂高球 | 4 大勢至富 |
第六場 | 7 風雷暴 | 11 精算特殊 |
第七場 | 1 賢者無敵 | 7 龍之輝 |
第八場 | 1 合夥奔馳 | 5 手機錶霸 |
第九場 | 4 駿奕快車 | 7 包裝猛將 |
第十場 | 5 魯班精神 | 9 金勝名駒 |
(馬王 1/10/2024)
Comments