採取主動一定掂

第四場 第四班 (40-60分) 1200米

「跨境寶馬」由季初九月至今已先後試左八課大閘，其中七課泥地閘三勝四位，工夫已做足。查血統資料，同父馬係田草短途勝岀率及上名率高。加上騎師配搭亦好，可作首選。

「美麗老撾」上仗跑直路賽排四檔並非理想，加上賽事步速甚慢，縱然末段跑岀快時間，結果只能第五名過終點，落敗不足為據。觀乎血統增程相信亦合發揮，埋門試閘走勢輕鬆，可能下仗未必班德禮可再騎，相信騎者會盡拼。

「天外迎天」近兩場千二米跑第二，其中前仗末段走勢比頭馬更佳，加上當時排大外檔起步，故呢匹馬嘅亞軍絶對值得尊重，埋門從化試大閘走嚟輕鬆，已收熱身之效，繼續同程岀擊力求開齋。

「魅影戈飛」另一匹初岀值得留意馬匹，此駒上年 11月開始一直係從化做工夫，五課閘之中有兩課勝岀，尤以最近一課草閘走勢從容不迫。騎練今季合作成績好，相信有力配合馬房明星賽駒而臨。

第九場 第三班 (60-80分) 1400米

「一定掂」上仗段速前快後正常，水準好之餘，後上馬亦唔易追，此駒在首次面對三班步速兼蝕腳程下力追一席殿軍，表現有進，復課快跳更見起勁，季內曾以前置跑法入位，一檔起步有力採回主動跑法制敵。

「神馳」雖然跑到上場才打開勝門，但上仗也是利前置步速兼遲打開徐徐追上，馬兒近兩仗都是劣勢下跑得好，似乎已納入正軌，當銳馬升班負輕磅更添威力。

跟「宜春火力」跟「一定掂」同樣出自 397場次，而牠追勢亦不俗，季內只跑三仗的牠相信體力上也有優勢，以大前仗可稍蝕之下追近「玩笑」的能力，現比當時再減五分之下，未許過份看輕。

「同樣美麗」上仗75分要掛頭牌負頂磅是百上加斤，再遇前慢後極快步速更加動彈不得，賽前首度上從化增添新鮮感，如是日下半場有得追，此駒也可加入配腳考慮。

(波仔 23/2/2025)