開鑼前兩個周五都受惡劣天氣影響，先有「蘇拉」的十號風球，試閘嘉年華取消，再來一周後漫長的黑雨，哈囉香港展望夜繽紛未成事先來全城水上樂園，區區水浸是天災抑或是渠務監管不足去水無方大家心中有數，追溯到明嘉靖年代五百年一遇大雨，真耶幻耶天曉得，只需面不紅耳不赤便與人無尤一乾二淨，果真是一群千年不遇一絲不苟 ~ 官! 跟牠們一樣廢話表過後，老兵這廂祝大家新馬季開季順利連場報捷。
第一場 第五班 1600米
「揚威四方」(上圖)上季尾終於成熟進步，在11分新低評分為散倉前的何良貢獻一場頭馬，其後沙田千六米排12檔需要稍留切入馬群尾內叠位置，轉彎移出外叠末段追勢凌厲，只以四份三馬位不敵佔盡優勢放頭的「幸運飛彈」，今季落入韋達手上訓練，五歲「遥遠星空」子嗣開始懂得競逐，大圈快跳拍「英駿飛駒」韋達曲尺手緊扣無阻強勁走勢，今場有二檔可留守好位直路突破，真正"揚威四方"食頭糊。
「爸巴閉」上季尾取一勝一位連場接近，五班水準参差論穩定已要兼顧；「恆駿之寶」一哩途程三場位置，五月底一役失準後提早歇暑，周一試一千米閘全程紋風未動，唞夠回足氣可拖一票；「飛來勁」配布文仍可加入作配；「美麗多盈」沙田千四千六屢試不同跑法，泥地試閘刻意留住外叠望空有追勢，廿八分新低配鍾易禮屬最佳冷配。
第二場 第四班 1200米
「威馬先生」上季開鑼日007場次初出評63分同程跑入季軍不敵「東方飛影」「電子傳奇」，其後名次順序為「連連有盈」「幸運旅程」「電源之駒」「銀亮之風」等等，全季埋單十二場只得兩場第三，在不同路程場地試現不同跑法，評分下調至45分，煞科一役48分沙田A跑道千二米成為113倍大冷，緊跟放頭「福國寶」守第二位末段跑第六負不足兩乘於「超悦明駒」，評分走勢已有迴旋餘地，周一試直路閘配見習學員謝佳軒沿外欄跟跑未見真章，今場對手零星落索，弱組有力先拔頭籌!
配腳實力懸殊，「運來勇士」只上季尾跑入冷位，潘頓揀騎必熱難言信心穩勝只可作配；八歲「紅旺」班底高前置可拖腳；「加飯」上季初出第四期待有進步；「快錢」密跑逐步扳長，泥地一哩全程放領僅以頸位落敗後，兩場千六前跟三段無心戀戰，賽前從化八百米閘外叠全程扣實走勢輕鬆!!
老兵Bingo第一口孖T提供
第一場 8揚威四方 > 2飛來勁 3爸巴閉 7美麗多盈 10恆駿之寶
第二場 8威馬先生 > 2運來勇士 3快錢 4加飯 6紅旺
(老兵Bingo 10/9/2023)