第五場三班1200米
上場出閘大讓賽的「吉龍」只能力保獎金，跑入第四名，當日仍未開齋的希威森，起碼有四場慢閘，今次換潘頓一試，隔兩周就再出賽，排在二檔同場快馬唔算多，此駒放頭為最佳跑法，跑過一場狀態提升兼強配，心急贏馬心意明顯。一向準繩的「營造組裝」跑七仗全入三甲，贏馬後上到三班也跑入圍，熟手技工何澤堯試閘刻意搶放，埋門唔斷保持走勢得第三，順便開氣，排七檔搶中前疊的位置不用太花腳程，搏進度及十三磅的差距，可挑戰已有三班認證的前駒。
第七場二班1600米
休後復出的「新力高升」(上圖)上仗未十足，加上直路上在兩隻馬中間衝得不夠順，也有第三名，保持一貫肯追的忠心性格，千四米及一哩為此駒最佳路程，唞咗近半年熱身後跑一哩，有番熟手的何澤堯，人馬合拍，評分必值過百分的馬匹，處於94分仍有大把在手，好鬥心的馬匹可再現後追王的姿態贏馬。上季尾跑G3也入Q的「桃花雲」，只負於季內4W的「自勝者強」半個馬位、四歲北半球馬會繼續成長，屬今季爭大賽的棋子之一，這類型後上馬合巴度發揮，跑了四次賽事唔多見人後，近兩次已經有馬贏，C+3排三檔只要唔好塞車就有權殺入一席。
第十場三班1400米
上仗未足的「亞機拉」，初次增程上千四米更改留後的跑法，用放頭圖偷襲，卻所負不遠，以不足兩個馬位負於跨季四連捷的「能文能武」，與二至四名的馬匹在半個身位內過終點，徒弟剛戰替師父的「天寅合一」贏馬，開氣後減磅再跑同程，跑法可跟前恃輕磅望取得勝仗。上場孭住頂榜的「馬林」出閘唔算快，要騎上嚟跟返馬群中間，沿途無乜遮擋，入彎前又搶口，到最後三百五十米在跑道中間望空騎上，即可以佳勢撲上贏馬，取得在四班的第二場頭馬，今場升班少負十五磅，仍抽到二檔，面對著一群平庸的三班對手，可憑當起之勢克服三班。
馬王六環彩提供
第五場 | 1吉龍 | 8營造組裝 |
第六場 | 5聚風雲 | 9幸運雄威 |
第七場 | 1新力高升 | 8桃花雲 |
第八場 | 2勝不驕 | 4順勢而飛 |
第九場 | 1話你知 | 12幸運星球 |
第十場 | 4亞機拉 | 8馬林 |
(馬王 1/10/2023)
Comments