第四場 第四班 (40-60分) 1200米
「精益大師」上仗領放造極快步速，而且直路貼實內欄亦屬不利路段，所以此席屬水準不俗亞軍，環顧同場快馬不多，力足補中。
「歡樂老撾」上仗賽前試閘見前速，回看前仗三班跑千二都可以跟前，該仗段速亦唔差，現居四班對手大不同，如八檔起步泊入二疊角逐，可作冷敲。
「財駿」人馬季內合作六次取兩勝三位，雖然負重磅稍有阻力，但同場質新對手未見太強，路程專家仍需兼顧。
「東來欣賞」及「神速馬車」均出自總場次 630，段速屬前慢後正常，水準不過不失。不過前駒有一定前速，如是晚大利貼欄賽駒，有力賺跑道偏差，反之後者上仗沿途慳腳程，彎中移出屬完美跑線，今仗檔位外移恐沿途中外疊形勢轉差。
第八場 第三班 (60-80分) 1650米
「浪漫老撾」上仗跑入亞軍無疑貼欄有利，但環顧今場數匹機會馬中，似乎此駒是早段形勢較好的一匹，而且三次跑變化場地兩度入位，所以將牠列入正選。
「銀進」上仗贏馬雖然受惠多少快步速之利，不過屬於當晚唯一走三疊出彎入直路的頭馬，水準也有一點保證。中年馬難得有第二春，相信會趁勇用盡。
「銀騰」最大變身既轉廄初出及挾田草賽績而轉場而來，谷閘及泥閘都是隨意跟跑而來，所以名次不用太大理會，同父及同樣是灰馬的「都靈福星」都可應付谷草賽場，跑出田草入位水準已夠用。
「赤兔猴王」今場正選馬最高分的一駒，但只需負一二八磅上陣，計死數的確有利，只是考慮由季初拼到五月，缺點是擔心一點體力，及排檔而已，但鑑於表現極度穩定，縱長路有盡時，但一日未斷纜四選中未可胡亂拋棄。
癲馬精選: 第二場「9. 新幹線」
今晚四班千二拆開三組，令到實力馬拆得更散，再睇埋晨課片，似乎可揀馬匹唔算多。「新幹線」 上仗段速前後正常，要後追並不容易，加上在利前置場地下追回一席季軍表現不俗，小休第二仗體力有優勢，搏拆組下擔正。
癲馬 1760基金 (本金＄1760，每次投注WP各＄10)
承上結餘：$1356.50；盈/虧：+55.50
結餘：$1336.50；回報率：-24.06 %
(波仔 22/5/2024)
Comments