第二場 第五班 0-40分 1200米
「有你有我」(上圖) 開鑼日轉跑法跟前贏馬，蹄下敗將「可愛新星」及後賽事亦能入Q，反映賽事有一定水準，復課快跳起磅非常，步幅甚開揚，轉倉中年馬相信趁有態盡拼，有力再勝。
「投資有利」據悉上仗已露搏殺風聲，跟前跑亦見誠意，奈何末段窄位之下跑入一席第四，復課繼續加強操練省磨，原班人馬加上排內檔起步，相信會盡地一煲。
「可愛新星」復課馬身毛色甚對辦，論作戰狀態可謂今場數一數二，最終選擇報跑千二米，或者對重口馬更易留放，如場地一如三天前中外疊有得追，相信更比之前更大威脅。
「世界籐王」上季一月中贏馬，蹄下敗將「鑽石寶寶」期後係四班亦能贏馬，足以反映此駒如非受傷，應可有進一步表現，試閘走勢見好，評分亦為新低，不妨跟進作配。
第四場 第四班 40-60分 1200米
「增強」上仗段速不易追趕，身旁的「哈羅威」剛剛於《癲馬精選》中提及總場次 009的利害，所以此駒可從中置位力追入一席三甲表現算是出色，復課大閘輕鬆跟返，埋門大圈單試過步甚輕，身色均見對辦，遇拆組場合有力打開勝門。
「綫路光華」開鑼日跑直路賽際上取位際遇一般，鞍上人發揮亦帶點含蓄，而總場埋門拍跳主動佔先，大閘見速度的牠如三檔起步可咬守好位競跑，可搏變身。
「手錶之星」上季曾於千四米賺慢步速上名，鄰近怎計也是四班有力入位的賽駒，埋門跟大閘見前速，觀乎今場快馬唔多下，有力賺多場形勢跑近，配腳兼顧。
「水龍頭」上季四月好地跑同程跟「帥炸」「健康快車」跑近，上仗更是四甲中唯一的後上馬，計能力及評分在此已力足週旋。
(波仔 1/10/2024)
Comments