一年一度婦女銀袋日又告上演，過去稱之為“女仕日”，主題賽事為“婦女銀袋賽”，記得當日所有女仕都是免費入場，位位盛裝出席衣香鬢影，一個“靚字”講晒，賽事方面主角當然落在女騎師身上，本地女將由過去江碧蕙鐘麗芳余詠詩，到近期的蔣嘉琦都備受注目，馬會曾經邀請美國女將龔茱莉當日客串，事為1994年，當日騎足九場，更憑王登平一對馬[北地烈馬]及[聰明之星]起孖，另外取得兩亞及四殿，充份表現出其功架，今年馬會重點宣傳，更在社交媒體介紹近年紅極一時的女騎師，不過已經多年未有再邀請外國女騎師，或者疫情關係？抑或曾經嘗試邀請但人家不賞面？這個真是天曉得! 火車潘尚欠1W便達到200場頭馬關口，而蘇兆輝尚欠2W便達到在港第100場頭馬，選馬方面不妨留意這點。
初出馬[有財有勢]父系Per Incanto在港屬大種氏，子嗣多以短途表現突出，如[韋小寶]、[經典之星]比比皆是，這匹四歲馬款頭不俗，像廐侶[連連勝利]般雖八月開操但進度良好，兩次試閘見走勢有明顯改善，馬身雖然不大但比例均勻，過去同主馬[有才有勢]初出即贏其後更取得三連捷，今次改與蔡約翰合作，貨源來自金牌御用馬販派斯當然值得憧憬，近期巴度手風轉順，今仗對手似是而非[有財有勢]大有機會重溫舊夢一出即贏，成冷更加值搏冷P當W買，可以捧場。
癲馬精選
第二場 4有財有勢
癲馬1760基金(本金$1760, 每次投注WP各$10)
承上結餘: $1624.50; 盈/虧: +20.00(賽事取消退款)
結餘: $1624.50; 回報率: -7.70%
(資料組 6/11/2022)
Comments