第三場四班2200米
由上季開始轉到葉楚航的「全才」，未嚐一勝，評分由78分減至現在的49分，近兩場在谷草千八米分別跑入第三及第四名，已見開始接近反彈的邊緣，減夠分搵潘頓，賽前更做足功夫，對上一場頭馬正是在此程取得，今仗正是出擊的目標所在。今季轉到方嘉柏馬房的「特醒」，先在田草一哩熱身稍為追近，上場在谷草千八米都係一向的慢閘毛病，卻有快步速之助，以短馬頭位負於「悅風雲」得第二名，頭二馬都輕微甩開馬群，這匹八歲馬現時應以谷草為最佳出路，今場有「綫路菁英」、「勁叻仔」及「幸運勝駒」等快馬在前，會有步速之助，落腳慢越長越好，谷草長途賽程不多，必趁有態時盡搏。
第五場四班1200米
今仗由蝕變賺的「紅衣火旺」，首先由上場的大外檔轉排了一檔，雖然仍是要孭頂磅，但以往在三班屢遇強手只限跑入位置，然後在配搭上再由蔡明紹轉上鬥志旺盛的布文，於四班曾兩WIN佔了兩大優勢，可望借機會贏馬。連續兩場在此程入Q的「亞洲籐王」，上場排十一檔留到搶晒口，卻可以由外欄殺上，當晚的谷草短途大利前置馬，「亞洲籐王」蝕場地都可以追近，轉到黎昭昇馬房後已有進步，加上潘頓唔放手再拼，檔位由外檔轉到四檔，可以跟番前些有遮擋，令馬兒跟得舒服於直路上會衝得更順，帶來首場勝仗。
第七場二班1200米
今季三出三捷，於跑馬地百萬挑戰盃以45分帶頭的「桃花盛」(上圖)，試過走外面及內欄都可以取勝，正直當銳的路程專家，六歲馬才踏入大熟期，升班用鍾易禮減番十磅，113磅輕飄飄，雖然排在十檔，索性走外面衝，好過要在馬群搵位，相信這位十磅仔會騎得起這匹馬的爆發力，今場雖然對手多，有著上述兩大優點，亦可憑氣勢如虹的來勢謀今季四連捷。另一匹路程專家「駿馬風采」又有運抽到一檔，由四班贏到二班全在一至五檔內取得，以往五戰C+3欄得三冠兩亞全數入Q，但上場贏的只是一般的二班貨色，今次面對著正當起的前駒，望能保住百分百入Q率。
馬王六環彩提供
第三場 | 4全才 | 8特醒 |
第四場 | 7無敵精英 | 10老表醒 |
第五場 | 1紅衣火旺 | 9亞洲籐王 |
第六場 | 2飛凡 | 3英雄豪邁 |
第七場 | 3駿馬風采 | 9桃花盛 |
第八場 | 5燊榮之星 | 11鑽石福星 |
(馬王 30/11/2022)
Comments