top of page

樂滿貫絕非副車




國際賽前哨戰的三場戲碼會相當精彩,入場的「碼」也精彩,黃碼人士可以入場及在室外範圍飲食,但又唔可以進入場內堂食餐飲處所,紅碼人士仍然禁止進入馬場,在場內非飲食要帶配備-口罩,唔可以多於十二馬~迷聚集,大家要睇清楚先好去「碼」,一個唔小心呀,罰款五千大元及當日在馬場停賽。



第五場三班1200米


選擇在大賽日而出的「金馳」,在外地一出即勝千二米,做了三課閘才出來跑,近兩課由今仗騎師潘頓親試,兩課都一俾就有,排埋一檔出埋王牌跑,現評64分的PP,走姿已全熟,必定是蔡約翰今季的明星馬之一,如健康及進度良好,都係在一班見的馬匹,今場初出有力一出即勝。上次狀態未足也跑近的「電路十號」,在一千米直路負於同樣初出「巴閉哥」一又四分一馬位得第四名,都甩過後面的馬匹兩個多馬位,跑完一場開咗氣之後,再由鍾易禮減磅,全組最輕只負111磅,跟又得放又得,大賽日配合告東尼馬房攻勢而來,有力變身。




第九場二班1200米


蘇兆輝與告東尼季內騎練合作四次得兩冠兩亞,今次合作兩場都入Q的「樂滿貫」,前仗輸比休出特佳的「佳運財」,上場負於佔跑道之利的「勝得威風」,兩場都是迫近頭馬而落第,同埋沿途走二疊,都有少少蝕形勢,有內檔之助可容易霸到黃金包廂位,此駒由上季的後追型馬匹變成跟前也可以入位,均速前置馬雖然今場無了減磅的優勢,B+2短途利跟前守好位的馬匹,當打的五歲馬已轉趨穩定,今季會更上一層樓,要突破一百分相信好快做到。只要一有欄放到頭就可展現威力的「時時滿意」,近兩場要孭百三磅以上、兼未能單騎領放而落第,今場形勢唔同,首先快馬唔多,雖然排十二檔,預計會盡快殺埋欄放頭,第二是有鍾易禮減十磅,比起二至四號的主要對手賺磅兼賺分,唯一擔心是排二檔的「勝利威龍」會否搶放而頂佢出二疊,所以今場告東尼馬房的兩匹馬一放一追,要一併兼顧。




第十場三班1400米


兩連勝雖然是賺了形勢的「烈風」,但仍可以贏甩對手,前面快步速跟在第三位,一移出一俾就過,收韁贏馬,四歲馬正處於巔峰期,今仗寧孭頂磅選擇繼續在三班出賽,面對著不算太強的三班對手,繼續有運執到內檔,潛力未見盡有力順利取得今季第三WIN。上場遇慢步速的「仁仁之寶」竟然可以用全場最快時間追入第三名,今場前面多快馬,會有「將俠」、「知道再勝」、「大紅袍」、「好拍檔」,步速會快更利後追,上次初戰三班在不利的形勢之下也有好表現,而賽前做多課閘也追勢強勁,今場一食啱形勢,隨時可借勢在三班出頭。




馬王六環彩提供

第五場

8金馳

10電路十號

第六場

1福逸

10蟲草成名

第七場

1金鎗六十

3加州星球

第八場

4飛輪閃耀

6多巴先生

第九場

1時時滿意

4樂滿貫

第十場

1烈風

14仁仁之寶


(馬王 20/11/2022)

60 views0 comments

Recent Posts

See All

Kommentare


bottom of page