第一場五班 1400米
「欣樂人生」來港至今無論咩馬場都只係識跑第二，上仗初出快活谷 1200 米跟住放頭馬「怪獸豪俠」守外疊入直路，最後追過「南區旺」跑第二，雖對頭馬無甚威脅，但已甩開三、四名的馬匹，狀態保持，轉沙田更好發揮，穩膽了！
「魅力一心」上季 6 月在對手跑殘之下終贏頭馬，賀銘年左右開弓騎足一條直路，再跑一場已保持唔到歇暑，新鮮感搏追入三甲； 「香飄萬里」換潘頓又如何？馬匹太均速但潘頓擅騎這類馬，熱門都要拖一票； 「星運皇爵」已熱身，要留爆後勁，有賠率，布文我靠你了！ 「荃程路通」一、二月連贏兩場後無以為繼，馬卻是五班惡馬， 408 場次最後直路被「綠族威」封死抽出再追都能反先，隨時郁手。
第二場五班 1200米
馬膽要「烈火駿馬」，前季一出即勝 1000 米直路，以為可以扶搖直上，再出又大敗而回，上季更得個近字，睇番此馬初出較好，未跑殘在五班有一戰之力，大馬亦不怕負重。
「飛躍精英」季尾談笑用兵殺退「欣樂人生」，留五班真可笑！ 「有你有我」今季一出滿身大汗都贏，唔係佢叻，係對手差，今場亦是，可望三甲；「世界藤王」練馬師無所適從，一會沙田一會快活谷，評分歷史新低又不能完全睇低；「可愛新星」不是什麼好馬，短時間已跑兩場第二，趁狀態未回落搏多一次？
西西第一口孖T提供
第一場 2 欣樂人生 > 3 魅力一心 4 香飄萬里 5 星運皇爵 10 荃程路通
第二場 2 烈火駿馬 > 1 飛躍精英 3 有你有我 7 世界藤王 8 可愛新星
(西西 1/10/2024)
コメント