第六場 第四班 (40-60分) 1400米
「江南盛」上仗雖只跑一席第七，但細心留意 008呢場賽事步速，呢匹馬屬全場唯一可在尾兩段締快時間的賽駒，而且當日馬兒在重重圍困衝刺欠順，落敗並不足為奇，經過一仗熱身，後埋門拍跳力度增強，排檔內移有力補中。
最強對手應是開鑼日其中一匹頭馬「奔妙星」，此駒於 006場次雖賺快步速後上贏馬，但卜駒馬當時月樣造出好末段時間，兼且可跟「堅闖」單打獨鬥，賽績絶對不弱，首選配脚。
「天天得樂」上季尾以 22.78快末段，與「神馳」、「堅闖」彈甩主馬群鬥贏兩匹對手，以「堅闖」做路程實力指標，「天天同樂」在四班同程仍有一定級數，七歲馬試閘走勢好，要兼顧。
「人和家盛」上仗與「江南盛」同場兼勝岀，老馬相信趁銳唔保留，惟假如賠率變熱，作配脚較合。
第十場 第三班 (60-80) 1400米
「安康萬里」上季中後期打疊見好，於 716場次輕取「大勢至富」，而後駒翌仗立即補中贏馬，可見賽事水準不俗，而牠自己亦再贏馬，四歲馬不斷進步，季初大細閘做足，有力一岀即拼，馬膽之材。
「誠好運」上仗以快時間後上不及跑得殿軍，但鄰近對手「都靈星球」，「陽光勇士」及「瑰麗人生」亦已經相繼補中，反映此駒的第四水準甚高，首選配脚。
「盈妍威楓」三歲馬上季煞科日 831場次以甚佳時間走入一席第三，如留意呢場賽事，馬匹排13檔起步，沿途外叠望空競跑，末段走勢貫注。今季初潘頓親自替此駒試足三課閘而臨，應有心季初一拼，唯有機會成大熱，故作配較合。
「安泰」上仗季內初岀，沿途留後兼走大外疊入直路，但馬兒可在慢步速不利追情況下締岀快末段時間收復失地，縱名次不起眼但相信已收熱身之效，回師最佳路程，可防變身。
(波仔 28/9/2024)
Comments