第六場四班1200米
上場接近贏得的「雅典武士」，以中等步速領放，直路上屬頭二馬單打獨鬥之局，到最後一百米才被越過，以四分三馬位負於「砂漿金剛」，甩開第三名的馬匹成三個馬位，出賽四次於兩次谷草同程也入Q，雖然無咗潘頓，換上何澤堯，前置馬排七檔都可容易搶埋嚟，兼且路有專長，四班留不住的馬，今場可出頭。上場劣勢贏馬的「健康心靈」，當晚在大利前領馬的情況下，可以用23秒10從馬群後方追贏對手，以個半馬位贏馬，已踏入成熟期的四歲馬近三仗全數入三甲，上季的PPG今季減至46分起步，現評53分可繼續反彈。
第七場四班1200米
兩匹好近績的馬控制今場大局，首選推介「淺草飛」(上圖)，五班贏馬後上四班仍以一個馬位輕鬆再贏，在上手馬房減分已多的七歲馬，今季在黎昭昇馬房反彈，四次出賽全有獎金，近兩場更連捷，馬房十六場頭馬中有七場是由潘頓經手，這匹繼續由影子主帥潘頓上陣，上場贏馬後加了九分，卻只加多六磅，今季用得少的馬匹今場賺埋磅，有權三捷。頂磅的「善傳香江」前仗在田草千二米贏馬後，上場孭住134磅在谷草此程也跑入Q，只是輸比「正氣青驅」一條頸位，今次繼續有內檔之助，雖然上場慳位都只是入圍，但今場除了前駒外，其他對手太平庸，加上繼續有好手布文，四班千二米拆三組，此駒文家良屬馬房第一選擇，可與前駒串Q。
第八場三班1650米
贏完馬再抽好檔的「電子傳奇」，雖然三場頭馬都是在四班取得，今場潘頓繼續肯騎，配合埋馬房攻勢，文家良今晚場場有馬出，下季繼續有得玩後動態仍相當積極，雖然四期無馬贏，有三次都有place交出，此駒贏開好勢，與潘頓合拍，三騎得兩冠一亞，二檔起步的跟前馬相當好跑，坐位望贏可做到。跑了三仗已越跑越近的「銀鎚仔」，上場同程在最後直路搵到位後一度追得似模似樣，可以說是有一檔之助幫到這匹沿欄慳位追的馬匹，第三仗已開始有進步，識得追馬，今仗排大外檔早段都係會先攝入馬群，搏進度可當冷腳看待，如外疊場地利追更有望提升贏面。
馬王六環彩提供
第四場 | 4電子兄弟 | 6風中勁松 |
第五場 | 2芙蓉莊 | 5包裝全承 |
第六場 | 4雅典武士 | 5健康心靈 |
第七場 | 1善傳香江 | 8淺草飛 |
第八場 | 8電子傳奇 | 10銀鎚仔 |
第九場 | 3美麗奔馳 | 6雪勇神駒 |
(馬王 22/2/2023)
Comments