全泥宴賽事，一些沒有競爭能力嘅賽駒爭相報名，是想在泥地闖天下？提防連場爆冷。
第三場 四班 1200米
「火神神樂」主攻泥地，雖未有頭馬見面，但上仗同程出閘緩慢，全程力騎，最後 30 米馬匹才有反應撲前，可惜為時已晚跑第五，開竅後敢信會跑得更好，班德禮騎熟，係時候開齋了！ 「荷花之星」一年前勝出同程，輾轉輸了幾場之後評分又回落至爭勝水平。「機械騎士」以馬論馬能贏「郎善好施」及「澳華威威」在四班幾時都要睇住。「新力」打疊贏兩仗後無以為繼，轉泥地發展看有沒有新天地？我看有。「皇龍飛將」上場劣勢追得好，可爭一席。
第四場 四班 1200米
馬膽用「郎善好施」，初出即勝谷草 1200 米兵不血刃，成熱門就收埋收埋，今季轉跑泥地兩次已經試準，用麥道朗是打硬仗，排檔差則有賠率。 「智跑得」上仗直路係威係勢，一度看似可以勝出，1650 米稍長了，縮落 1200 米機會不弱於同場任何對手，今場要密切留意。「電子宇宙」終跑泥地了，有放頭之利可以控制步速，放入一席不難。「深心星」如果泥地應付自如隨時爆過石破天驚，起碼騎師鬥志可取。「閃電」前仗泥地輸近，後追一段有點兒試馬跡象，要拖！
西西第二口孖T 提供
第三場 11 火神神樂 > 4 荷花之星 5 機械騎士 6 新力 7 皇龍飛將
第四場 1 郎善好施 > 4 智跑得 5 電子宇宙 8 深心星 9 閃電
(西西 18/12/2024)
Comments