第四場四班1200米
前仗贏馬的「無限美麗」(上圖)，上場出閘慢輸些少際遇，其第六名都是負兩個多馬位，當是吸收吓經驗，只跑了三場的四歲仔仲會有進步，今次更換上潘頓，加強戰鬥力，會用回首兩仗跟前而跑得好的跑法，對手亦是平庸之輩，信賴蔡約翰馬房可給多次機會。返回前仗入圍路程的「寶安威」，該仗負於「真感」及「宏才」得第三名，屬高水準的季軍，亦換回在該場入圍的騎師蔡明紹上陣，唯一兩次入圍全由他取得，三次策騎只有一次不入圍，人馬合拍可兼顧。
第六場四班1200米
跑慣此程的「想見你」，上場在閘內煩燥不安、出閘又慢、沿途又走外疊無遮擋致表現失準，今次安排試閘及唞了一個月才再跑，繼續由唯一勝仗的周俊樂上陣，只要出閘正常跟到前段，又會有力跑近。力拼亦未能出頭的「宏才」已連續五仗在此程入三甲，上場因持續內閃而未能全力策騎，只跑入第三名，隔兩周再出，狀態仍保持到見好，今次潘頓再騎有心收復前失，近兩仗排雙位數字的檔位也入Q，只要潘頓早段處理得好，有力替馬匹出頭。
第七場三班1650米
去年六月尾接受腳部手術的「黑桃火箭」，到了今仗才復出，經過四次試閘，近兩課閘重現追勢，這匹跑了十八場得五亞一季的失運馬，今場對手未算太強，唞埋唞埋搏有新鮮感，排三檔亦屬理想檔位，恨贏馬必力拼搏出頭。今季五戰全有獎金的「美麗滿滿」，在暑期做過手術後今季在陣上例追一段，重現贏馬後的角逐興趣，自上季一月贏馬後，現在評分已回到贏馬時的水平，換巴度亦合後追馬的發揮，憑近仗的穩定演出，有望出冷。
馬王六環彩提供
第四場 | 1無限美麗 | 11寶安威 |
第五場 | 2皇仁福星 | 10紅海勁 |
第六場 | 8想見你 | 11宏才 |
第七場 | 2黑桃火箭 | 5美麗滿滿 |
第八場 | 4錶壇精英 | 5添開心 |
第九場 | 1一代天嬌 | 3精算暴雪 |
(馬王 7/2/2024)
Comments