馬不停蹄，繼續有報名又有馬刨，不過究竟係打風唔成三日雨定還是馬氏力牆都頂唔住會取消賽事呢，執筆之時筆者當然唔會知，但知既係今次八場夜賽採C+3跑道舉行，剛剛日賽無欄無命，而一向Ｃ＋３都係走一疊馬慳腳程好，所以估計相隔三日變化未必好大，但如果各位是會買六環彩或三寶既可能要留意既地方係，經過連跑十場馬匹踐踏後，到了今次下半場直路內欄有可能出現不利路段，而後追馬因此拉返平均也說不定。
第一場 第四班 (40-60分) 1200米
「各取所需」上仗前四名馬匹中有三匹貼欄，而牠沿途走二疊相對較蝕腳程，所以此席季軍未可看輕，而且同場鄰近馬匹如「超額認購」「明駿福星」剛剛都跑入位，賽事水準亦見不差。
「亞洲籐王」上仗段速前快後快，步速結構不俗，賽事水準應該不差，復課快跳更見墜手，拆組後對手爾爾，應屬爭勝份子。
「好好彩彩」剛戰跟「亞洲籐王」同場，而且沿途望空守更前位置競跑，在步速上更屬不利一員，際遇不利下最終少負三身位的表現並不太差。
「天下有才」出自短途血緣的牠，外地兩課大閘均見前速，來港後三試大閘亦有一定走勢，算是今組一批新馬中進度較好一匹，新加入的牠或有虛分，排好檔可拖一票。
第五場 第四班 (40-60分) 1200米
「喜駿之星」 上場順放跑啱馬性，雖然未能贏馬，但回看步速及同場大致後上馬包攬大局，所以呢匹馬應稍蝕形勢，七歲馬復課快跳仍然對辦，拆組對手偏弱，領放馬偏少場合，有力補中。
「飛騰騅」近兩場跑田草長直路未必合發揮，而且前置亦屬快步速受害者，所以敗績未可作準，如跑回上季同程贏馬入位水準，已可爭一席。
而今場一對後上馬機會馬「對衡之星」及「必跑得」復課快跳均見對辦，暫時認為要後上可能稍吃虧，但如果經過連續兩日的谷草賽事之後，在早段場次發現直路內欄出現不利路段的話而變成直檔外檔利追，臨場要調升牠們機會。
第六場 第三班 (60-80分) 1650米
「燊榮之星」(上圖)上仗留後慢步速，而尾兩段能持續造最快時間衝上贏馬，四歲北半球馬正處大熟穩定期，今戰對手未見增強，有力再贏。
「牽旺加富」剛戰屬三甲馬之中唯一前置馬，跑法彈性的牠今仗亦預期可守好位競跑，核心範圍未可盡棄。
「焱焱元帥」剛戰泥地由前置馬包辦三甲，沿途殿後的牠可當跟跑開氣賽事，查馬兒上季不乏匆匆再出而入三甲的賽績，人馬合作亦曾上名，冷腳可拖一票。
「勇趣」上仗健康問題落敗可有藉口，今仗雖初跑一哩，但查同父馬「波爾多」「贏盡天下」及「海王駒」都可向中距離發展，加程成冷可拖一票。
(波仔 2/11/2022)
Comments