第六場三班1200米
連續兩場在軟地也入Q的「你知我拼」(上圖)，上場只追不及前領的「步履如風」一條頸位，該場的蹄下敗仗「賢者無敵」再出亦在嚴重受阻的情況下得第三名，連續兩場排十一檔，今場排回贏馬的六檔，可跟返前些，何澤堯近兩次騎也入Q，騎者連續兩期也有馬贏，分別起孖及上賽中三元，現在取得91場頭馬，餘下仲有五次賽事，為向一百關口挑戰知他會拼。仍未出頭的「八心八箭」，泥草也試過晒，上陣九次有六次入圍，都是準繩的賽駒，今次出到潘頓擺明車馬，伍鵬志馬房鬥志先明，已連贏三期，首季開倉已取得了41場頭馬，好開的馬匹繼續搏，可維持穩定性。
第七場三班1600米
比起初出的兩仗未能展現追勢的「加州偟者」，因遇著全日不利追的場地，前兩場在千四米一再追得好，初出得第四名，翌仗已入Q，負於同廄今季四捷的「勇敢夢想」，今場增程跑一哩，蔡明紹受傷換上了田泰安，除非又遇場地偏差，否則應會見到追勢，三歲北半球馬可睇多場。又抽外檔的「喜蓮勇感」，出道四仗全入圍，大前仗在谷草一哩贏馬，上次轉場初跑此程亦入Q，負於今季4WIN的「晴王」，應是三班難留的三歲馬，潘頓繼續揀騎亦是心中有馬，只要早段攝得好，已有夜賽經驗，可繼續再上。
第八場二班1400米
形勢緊湊的補賽尾場，由四匹新勝馬及三匹上場入圍馬對疊，先取上場贏得輕鬆的「威力奔騰」，雖然今次首戰二班賽事，兼首次增程到千四米，睇上場排十一檔，留得比以往後，直路上搵到位一俾即以極佳的走勢，更以近三個馬位贏馬，一配潘頓即回復上季四捷的氣勢，取得今季首場勝仗，人馬合拍趁季尾增程一試，仍是今場的焦點馬膽。再揀不如要隻放頭跑的「九五赤兔」，起碼近兩場在一哩及此程，只是以極短的距離僅敗，兩場都入Q，今場的唯一放頭馬可控制步速，預計會是慢放，搏其他後追型的對手，未必追得及，如今晚夜馬的場地利放，更可提高勝算。
馬王六環彩提供
第三場 | 3鼓浪飛凡 | 4愛馬善 |
第四場 | 2能文能武 | 6一舖縱橫 |
第五場 | 3精算謀略 | 6駿行星 |
第六場 | 4你知我拼 | 5八心八箭 |
第七場 | 2加州偟者 | 3喜蓮勇感 |
第八場 | 4威力奔騰 | 6九五赤兔 |
(馬王 3/7/2023)
Comments