top of page

當年情師徒並肩



第五場四班1000米


近兩仗已入返圍的「輗多福」,自上季上了三班後一直處於減分期,回到四班此程有一定的優勢,用谷草能減最多磅的鍾易禮減七磅,子彈快馬獨沽一味,有三檔之助更會輕易狂放,最窄的C+3 跑道利內檔前置馬,今次正是贏馬好時機。羅富全馬房已跑了四場的「緣途有您」,上場已開始在此程守好位追入圍,負於兩匹今季的路程專家「浪茄仔」及「育成精彩」一個馬位,賽前試兩課閘,試了不同跑法,放同追都走得好,今次排到黃金一檔,相信會跟在較前的位置,睇進度能否足夠追趕上嚟挑戰前駒。




第六場四班1200米


仍未出頭的「太陽拍檔」,上季因腳患而稍遲復出,今季只跑了五仗,姚本輝馬房今晚除了第八場外,場場有馬出,此駒打埋王牌,近三仗得一亞兩季,今次更在配備上作出變動,排慣外檔再配上仗騎師布文,馬房又充滿動靜,望尋求突破。近兩場在同程入Q的「祥華孝寬」,分別輸俾「萬眾開心」短馬頭位,上場被大利放頭的「電子宇宙」甩開成三個馬位,卻可以頂得住其他馬匹,已開始接近贏馬邊緣,千二磅馬排大外檔未必太差,話唔定在外面走得更順,難得有馬與班德禮合拍,會因檔位而換嚟分頭更加要揀。




第九場二班1800米


一戰谷草此程就成功開齋的「當年情」(上圖),末段鬥心橫強,孭住132磅越過廄侶「天寅合一」,以一條頸位贏馬,這匹四歲阿根廷馬終於搵到出路,今次由潘頓換咗仲有一場就到500WIN的蔡明紹,師徒又再肩並肩,升上二班孭住121磅,排在五檔攝馬群中段,仍未十足都可贏,繼續進步的馬匹憑後勁挑戰二班對手。首次轉場的「知足常樂」,上場跑皇太后紀念盃都差啲贏,計馬仲有上升空間,現評94分跑法機動的賽駒,放又得、跟又得,千八米亦是唯一贏馬路程,其餘兩戰亦入Q,相信轉谷草不會唔適應,只忌騎嗰條友叫田泰安,成個五月份先贏得一場馬,所以列作副選。




馬王六環彩提供


第四場

1至尊高飛

12飛騰騅

第五場

2輗多福

8緣途有您

第六場

4太陽拍檔

8祥華孝寬

第七場

7勇創派對

10勝利才子

第八場

6陸知

11皇者驕傲

第九場

4知足常樂

11當年情



(馬王 31/5/2023)

96 views0 comments

Recent Posts

See All

Comments


bottom of page