歷史悠久的樂聲盃的贊助賽日，慣常地會在星期六舉行，刨馬時間唔夠而少不免「踢哂腳」，看今次多場都呈均勢亂局，亦多匹初出馬會在今日上陣，似乎已為星期六賽事爆冷多做好前設。近五次贏馬最多的練馬師羅富全今戰出馬九匹，但認真上風馬唔算多，反之榜首的告東尼仍不乏實力賽駒，其餘一眾中游馬房如姚本輝，沈集成苗禮德都有不少具狀態馬匹上陣，看看會否在今次賽事中發動攻勢。
第一場 第四班 (40-60分) 草地 1200米 馬匹條件賽
新馬場合，好多馬快跳都未及水準，先揀快跳算有力同放鬆淡定既 「競駿無敵」 作首選，排一檔起步多數守好位跑，而且更有季內賽績，相對安心，馬房贏返馬希望手風亦轉順。
另一隻試跑見有作戰水準既「八駿巨星」 三歲馬收身線條不俗，觀乎外地及在港試閘見速度上乘，三檔起步有力率先搶欄順走，負輕磅有力一放迄終。
而陣上見速度預計可切入放領的「雲起駿起」 上季新馬賽曾跑贏「競駿無敵」，今季數戰不是蝕步速形勢就是健康有問題，故敗績未可作準。
「萬事快」 練者親自購入的新馬，而且往往有揀手貨，大閘所見識得追馬，都有一定成熟程度，冷腳拖埋。
第四場 第四班 (40-60分) 泥地 1650米
今場快馬多，預計步速會偏快，所以集中揀後上賽駒。
「怪獸豪俠」上日的泥地夜賽非大利後上馬，追得好的都是常常的「老泥馬」老牌泥地馬，所以此駒初跑此程已在馬群中有追勢，足見馬兒合跑泥地，雖然晨課韁口未盡收斂，但今場快馬多，扯散馬群或者令馬兒跟得更順。
「大道至正」近四戰泥地同程三次入位，老馬心無旁騖專攻此程，如今強手遠去繼續排好位，步速亦合跑，相信會把握機會攻堅。
「日就月將」上季五戰同程悉數跑入獎金名次足見性能突出，賽前兩課大閘備戰有誠意，季內初出配潘頓更是誠意十足，尤其步速必定偏快注定有利後上，有權突破評分再贏，替主人家贊助商建功。
第五場 第四班 (40-60分) 草地 1000米
「精彩勇士」在今場來計亦算是直路賽能手，騎者上仗跟馬兒初次合作亦見可發揮，復課快跳仍見墜手有力，正路要揀。
「八卦」剛戰前置算是快步速受害者，力拼至最後一百才失P，初出表現計已算不俗。今場快馬偏少，直路賽此駒亦合，可搏冷位。
「龍騰飛翔」四戰同程三亞一季，屬另一匹路程專家，唔再轉兜轉路程，找來鍾易禮減磅上陣，心意向好，但體型寵大的牠排外檔要靠後上考際遇，成為大熱門的獨贏要考慮值搏率，所以我作配腳。
「超音鼠」相隔三百天才再上陣，當然健康上非最理想，但有千二米賽事級數及會量的牠，如早段一如大閘般夠快咬守前列，或可憑新鮮感一爭。
第九場 第三班 (60-80分) 草地 1200米
「白鷺高超」四歲馬出道至今除了首仗氣管多血外，甚少輸得遠，而今季兩戰表現亦仗比仗好，復課快跳更見生猛，快馬不少場合仍可出現上場般利追步速，有力補中。
「忠肝義膽」剛戰泥地賽場並不利後上馬發揮，所以可當作熱身開氣賽事，如前文提及今場不乏前領馬，如無壓地的下半場直路走中外檔不吃虧的話，此駒未可盡忘。
「魅力寶駒」上仗沿途走位及發揮上無大錯，只能挑剔直路上無甚望空，亦不排除大幅加分後，馬兒未能追及進度，埋門再試加油閘走勢不俗，現階段重配贏馬拍檔，希望人馬會較合拍，重入三甲。
「大才」埋門泥閘起步反應好，走勢前後兼備，雖然上仗受惠快步速追近，但今仗有機會一賺再賺，三班識入位的牠可作配腳。
(波仔 12/11/2022)
Comments