年初三祝各位讀者：橫財就手、身體健康、全年行好運！
第八場四歲 1600米
初出跑一哩就入 Q 的「百賀飛駒」，在出閘時被撞失平衡，直路初又要搵位，以一匹連同在外地都雖然未贏過的 PP 來說，適應得快，路程亦廣泛，千四直二千米都入過圍，會是馬房今季的四歲賽重要棋子，跑得出上場的強勁後勁，就可飛到嚟賀新年。評 93 分掛頭牌的「包裝天將」，出道六仗得四冠一亞及一次第四名，由四班贏到上二班，千二及千四米都贏過，跟前轉後追都可贏馬，今次初跑一哩，平磅 126 磅賺了分數，今場呂健威出四隻，以這一對最權衝擊四歲系列。
第九場三班 1600米
升班轉場都照贏的「納百川」，轉到巫偉傑馬房後開齋兼兩連勝，上場轉田草都成大熱門，可見此駒仍有分在手，於三班只屬過客，排十一檔同樣可以如上場般在外欄狂追上嚟，周俊樂只要唔好如上場般甩韁繩，會贏得更容易。三次在千四米做阿二後，上場成功坐正的「保羅傳奇」，升三班後由十二檔變排二檔，對前置馬幫助甚大，加上兩匹會前領的馬分別排在十三及十四檔，要蝕腳程埋嚟，當起的四歲馬增程一哩就贏，找啱路程升班仍要保前兩名。
第十一場三班 1400米
一上三班即贏馬的「包裝福星」，贏到跑慣三班的「鈦易搵」近一個馬位，與潘頓合拍，一到千四米就取得連捷，必定是好貨色，今日守尾門配合呂健威賀年攻勢，福星迎新年。留後追更強的「一定掂」，今季四次跑此程，有兩次入 Q 及上場首次贏馬，升三班配今季國際騎師錦標賽得主巴米高，騎後追馬合晒這位法籍好手發揮，此駒踏入穩定期，升班亦可跑得接近。
馬王六環彩提供
第六場 | 4 潮州精神 | 5 競駿輝煌 |
第七場 | 1 天天耍樂 | 14 勝多多 |
第八場 | 1 包裝天將 | 7 百賀飛駒 |
第九場 | 3 納百川 | 13 保羅傳奇 |
第十場 | 11 新力好 | 13 美麗之光 |
第十一場 | 3 包裝福星 | 11 一定掂 |
(馬王 31/1/2025)
Comments