冠軍賽馬日之後，「金鑽貴人」亦宣佈不會遠征東瀛，個人認為亦合理，因為畢竟六月時日本正值季中，而新任三冠短途王今季拼搏場數也不少，萬一如「步步友」遠征後表現下沉，筆者反而更覺可惜。今次返回谷草用上A跑道，養草一輪後加上馬匹實力參差，估計沿途走內欄馬匹會頗有利，直路有否不利地當然落場先知，但取馬膽不妨向早段可慳腳程的馬匹埋手。
第一場 第五班 (0-40分) 1800米
「盈嘉輝」上場因外檔選擇留後跑，然而遇上不利追慢步速，可當無用力跟跑一場，今仗排檔內移，早段未必需要留得太後，再看前仗快步速場合有追，相信氣量可應付千八米。
「又享耆成」剛戰跟前是快步速受害者，敗不足據，回看今場正宗放頭馬唔多，八檔或者夠快切入，形勢跟上仗不同要提防回馬槍。
「赤子雄心」狀態長期見好，馬兒跑法亦夠彈性，預期排內檔的牠可霸守好位競跑，範圍內可兼顧。
「富存鉅星」前仗於慢步速有追，上仗則前置力弱，不排除是留前鬥後的馬性，今戰換上較多合作成功的巴度，冷腳不妨兼顧一席。
第六場 第四班 (40-60分) 1200米
「木火同明」 七歲馬難得重拾角逐興趣，今仗三檔起步有力再守好位競跑，馬房務求盡快達標相信會將馬兒用盡一時
「樂加福」 上仗慢閘用力上返前沿途走三疊都贏，勁到唔似真，四歲馬有權再進步，核心範圍仍要兼顧
同樣跟「樂加福」出自575場次的「有財有勢」 ，翻查四月十二的谷B 短途賽唔係咁好追，同跑線的福滿寶有好形勢已變身，畢竟季內曾輕勝樂加福，現在磅位差距跟當時相若，檔位內移亦可搏變身。
「財駿」 剛戰步速及走位上無大錯，易位難贏馬相信會繼續偏熱，拖腳較合。
第七場 第三班 (60-80分) 1200米
「勝神威」四戰谷草同程取兩冠兩位，上仗初跑三班步速下僅負早已證明的「紫雲冰」蹄下敗不足辱，今仗亦有快馬在場，有好位競跑兼當起馬的牠，仍屬穩健之選。
「財才」剛戰跑濕慢泥地似乎不太適應，遠遠敗績尚有藉口。看前仗前快後快的好段速賽事下追得有聲有色，鄰近「晶晶日上」「實力派」翌仗仍可交出表現，此席殿軍套諸今組力足一爭。
「旌鷹」上仗在快步速下走三疊蝕腳程，但馬兒最終亦沒有潰散，以小休後未開氣之下的表現已不算差，今仗其餘對手爾爾，配腳可拖。
「美麗笑聲」大前仗仍在田草雙蝕下少負，但近兩仗跑來一無是處，不排除是場地受天雨影響之後的不適應，是晚場地可能變回乾快，換人再可能再給予多一次邊線機會。
(波仔 3/5/2023)
Comments