眨眼已到谷草C+3跑道的夜賽，即是代表跑道第一個週期快將完結，回看對上兩次的谷草賽事都係貼欄馬表現較為有利，而最窄的C+3跑道亦一向不利轉彎走出大外疊發力馬匹，再加上近日天氣晴朗乾燥，明晚出現乾快地的機會又會增加，隨時又係跑形勢圖多過跑馬的晚上。
第二場 第五班 (0-40分) 1200米
「鼓浪精綵」上仗雖大熱未勝，但回看同場前五馬匹中只得牠需走二疊賽駒，所以腳程稍蝕的牠表現已算出色。今仗遇拆組賽，而且大部份對手進度一般，跑出水準力足贏馬。
「誠心所願」跟「鼓浪精綵」同在(033)場次上陣，而且亦屬走二疊較蝕形勢一匹，加上末段可交出最快末段收復失地，證明此評分應有反彈水位。
「淺草飛」黎昭昇馬房首匹參戰馬，其賽駒普遍見養得壯身，此駒快跳觀感亦不差，雖然三次上名均在泥地，但查馬兒在外地曾贏草地，結合同父馬相信草地可以應付。
「勁得裕」上季轉到徐廄後一直操而不戰，相信馬兒健康無太大疑慮，埋門兩試大閘均見前速且韌力增強，有排好檔及轉倉變數，冷腳可拖。
第六場 第三班 (60-80分) 1650米
近期強組短途有總場次(012)，中距離相信(017)場次應該都可以當選，而該仗「怪獸奇兵」沿途放頭先蝕快步速，直路貼實內欄亦屬不利路段，雙蝕賽績可以抺去，今仗實際快馬唔算多，而且可守好位跑的牠，形勢轉好。
同樣出自(017)的「二雋」，雖然末段追勢唔差，但上仗起步遲緩，今仗亦擔心排外檔起步，早段取位會較為被動所以作配腳較合適。
「皇帝金」上場殿後角逐是慢步速受害者，末段騎者稍輕柔騎法可緊跟再出入Q的「旭日昇」的表現算合格今仗換人兼轉程，谷草賽場亦可應付，可爭一席。
「川河冠駒」上仗二疊跟前耗力偏多，今戰排內檔早段可跟守前領馬角逐，更合衝刺力偏短的牠發揮。
第七場 第三班 (60-80分) 1200米
今次有幾匹可跑此程馬轉跑頭場，導致今場出馬唔滿額，而其中兩匹係蔡廄「志勝時機」同 「平海歡星」所以波仔認為「神之水滴」係出擊既矛頭，上仗直路稍為遲望空，否則已有權贏，五歲馬熱身兩場後，試跑觀感仗比仗好，今次預計可守好位角逐，力足補中。
「量化歡騰」 剛戰沿途前置走外疊蝕位兼蝕步速，末段僅失三甲表現唔太差，鄰近「鴻運飛鷹」再出也入三甲，復課練者仍有親操，馬身對辦，七歲馬亦相信唔保留。
「杭州飛輪」 剛剛提供「桃花多」時已提及012總場次賽事屬強組之一之餘，負135磅下交出最快末段追入亞席，反映馬兒近況好，傷患馬難得出賽頻率正常相信會盡用一時。
「順勢而飛」 上仗雖然三甲不入，都算是前置馬僅負的反趨勢賽績，今回師谷草更有證明，範圍要兼顧。
(波仔 05/10/2022)
Comentarios