第七場沙田錦標1600米
首配布文的「加州星球」，一如布文所說他的坐騎就是欠缺一匹頂級賽駒，縱使要孭頂磅，加上主要對手「金鎗六十」不在陣，評 129 分全場最高，第二高分的「將王」路短，其他對手當中以「永遠美麗」最強，馬房力圖衛冕此錦標。潘頓今場選擇替如日方中的「永遠美麗」上陣，馬兒上季上陣十仗全入三甲，更有七場是贏馬，近兩仗已贏三級賽，今次初爭二級賽，比起掛頭牌的「加州星球」少負十二磅，三檔亦是靚檔，仍未開齋的蔡約翰馬房，有望憑此駒一撼強敵。
第九場三班1400米
剛戰蝕場地的「神虎龍駒」，追不及賺前領場地而贏馬的「黃腳鱲」，跑過一場後狀態提升，伍鵬志馬房好開的馬匹甚少走樣，可以保持繼續有好表現，跟前守好位跑今次有一檔之助，潘頓近兩場得一冠一亞，繼續上陣必知仍有頭馬在手，非三班留得住的馬匹今場可以補中。今季兩次都入位的「好如意」，今次換基根一試，這位南非騎師首次在港策騎，上陣了三十六次，都交出了兩冠兩亞及三次季軍，成績屬合格，而此駒近仗穩定，只是鄭俊偉馬房常欠連，今次又要面對強手，計馬仍有位望。
第十場二班1200米
田草千二米全入前四名的「威力奔騰」，上場是追不及「包裝必勝」，以一個頭位飲恨得第二名，因為當日的場地留得太後無著數，此駒直路上由尾追上嚟，追回甚多之下入Q，二班必夠的馬匹，排十三檔都係掟出去追，只要場地有得追就可首次在二班贏馬。跑了第二轉已重現準繩入Q的「明心知遇」，以蔡廄一向慢火煮食的風格，今仗屬季內第三次出賽，重回起家的田草，似為配合「永遠美麗」而來，用巴度走二疊生位會較要此君在馬群中搵位安心，蔡約翰今日開齋兼圖起孖。
馬王六環彩提供
第五場 | 1名門望族 | 8大千氣象 |
第六場 | 6禾道福星 | 12發財大師 |
第七場 | 1加州星球 | 3永遠美麗 |
第八場 | 8好拍檔 | 9新風俠 |
第九場 | 2神虎龍駒 | 11好如意 |
第十場 | 4威力奔騰 | 12明心知遇 |
(馬王 15/10/2023)
Comentarios