第八場四班 1600米
連仗接近的「富喜來」，近五場全有獎金，其中四次是入三甲，追或跟得稍前都可得，只是如練者一樣，欠運，上場在谷草一哩睇怕贏得，卻冷不防在外面追贏的「銀進」，以一條頸位又再飲恨，季內在此程亦有過表現，馬又夠FIT，尚欠兩場五班以上的賽事就達標的鄭俊偉，有權憑此駒拉近一大步。於低位反彈的「北海盜」，前仗於五班 1650米贏得首場勝仗，之後隔兩周在四班同程，沒有遮擋下走外疊跟前咗，反到嚟只能頂個第五名，今次返回田草，休息期又夠，有潘明輝減兩磅幫吓，轉場搏有新鮮感，半冷勿忘。
第九場三班 1200米
上仗出閘笨拙的「龍之輝」，加上沿途在外疊無遮擋，直路上一度出頭後卻未能持續走勢，今次由潘頓接手，已連贏四期的呂健威，騎練近期合作成功率高，只落後伍鵬志兩場，今日亦有馬配合，騎者今日亦成手惡馬，此駒於今場有機會再贏。跑了近兩季卻仍未見功的「特別美麗」，常近吓又落第，搏極都係位置，曾五次入 Q，都係番回短程較合腳法，近排多數由今仗騎師賀銘年上陣，騎者能騎起該駒的後勁，排十一檔索性留住衝，屬半冷佳品。
第十場三班 1400米
幾匹有近績而騎師配搭大兜亂的尾場，先揀原裝配搭於上場一出即勝的「壯志凌雲」，可以贏到季內兩勝的「獨步天下」，雖然可以話賺咗當日利前的跑道形勢，但羅富全馬房已有表現的新馬可再跟進，上場排十四檔都可以放到而贏馬，今次排二檔會更易埋欄領放，除非跑道形勢不利，如無太大偏差，可再贏多場。上到三班也有馬贏的「巴閉仔」，由於出閘稍慢而追不及跟前而贏馬的「飛輪步」，只以短馬頭位落第，兩駒亦甩開了群駒兩個馬位，於三班已站穩陣腳，以表現計仍有分在手，排十一檔都相信影響不太，換快閘騎師希威森，勝在馬兒又夠忠心，呂健威馬房一如上文所講，為爭冠軍質新分子更是重要籌碼。
馬王六環彩提供
第五場 | 1 開心寶寶 | 4 納百川 |
第六場 | 1 飲杯 | 4 勇霸龍 |
第七場 | 1 桀驁之戀 | 3 錶之五知 |
第八場 | 11 富喜來 | 13 北海盜 |
第九場 | 9 龍之輝 | 13 特別美麗 |
第十場 | 4 壯志凌雲 | 7 巴閉仔 |
(馬王 26/5/2024)
Comments