精彩駿將勝望壓一

第一場 第四班 (0-40分) 1200米

「喜駿之星」此程唯一岀路，九歲馬今季初兩場四班賽落敗，尤以上仗排外欄起步，沿途蝕位三叠競跑，敗不足據，評分隨即共減了三分，今仗落班岀賽，老馬冇保留必拼，正路配脚。

「朗日雪峰」此組比較質新馬匹，季初熱身後近兩仗見走勢已有所進步，查此駒血統，谷草短途應合發揮，馬房谷草成績亦好，相信有心轉場岀擊，有力推翻大局。

「神速馬車」上仗於慢步速下交出好時間追入亞席，再縱觀同場前列到終點馬匹模式，不難發覺此駒反步速趨勢馬匹，今場同場對手似是而非，縱檔差仍可兼顧。

「宏才」上仗 沿途留後兼外疊競跑，馬會評語從未參與競逐，六歲馬不會有進步，但以上季尾係 727場次可頂住同今季表現甚佳嘅「堅闖」跑第四，相信亦有一定作戰能力，同程上名率甚高，配腳不能盡忘。

第五場 第四班 (40-60分) 1200米

「精彩駿將」(上圖) 總場次 (029) 的對手再岀成績有幾好不用再多講，查當晚三場四班千二米賽事，只有呢組頭二馬匹能做岀一分十秒內完成賽事，亦比三班同程頭馬更快，續留四班，有力再贏。

「椒椒醒」上仗同程打疊贏馬，跑第四的「晨曦儷人」剛剛亦已補中，賽事水準不俗，今場賽事估計有快馬搶放，繼續首本路程角逐，同是爭勝要角。

「勇霸龍」上仗初岀跑第三，鄰近對手再岀亦已紛紛交岀表現，黎廄谷草成績優異，再查此駒血統，同父馬跑谷草短途成績甚為岀色，惟未勝馬始終作配較為合適。

「美麗緣分」亦為 (053) 嘅岀品，如有留意前列馬走位模式，呢匹馬當晚係同場另一匹反趨勢嘅馬，賽後返從化操練程度做足，同程曾勝嘅馬絕不能看輕，冷腳可配。

(波仔 16/10/2023)